Investigacións
Proxectos de investigación, contratos, teses e traballos de investigación

CO(M)XÉNERO

Seminario Permanente de Comunicación e xénero

A persistencia do discurso androcéntrico nos contidos, a liña editorial e as estruturas organizacionais dos medios de comunicación actuais reflicte e perpetúa unha sociedade asimétrica e disfuncional que silencia e incapacita os posicionamentos diverxentes.

Pór fin a esta dinámica invalidante pasa pola necesaria construción de audiencias e colectividades formadas no pensamento crítico, capaces de analizar, deconstruír e mesmo comezar a reverter as representacións e estruturas sexistas presentes nos medios.

A urxencia desa capacitación demanda a incorporación inmediata dos Estudos de Xénero aos plans educativos existentes en materia de comunicación. Neste contexto, o seminario CO(M)XÉNERO busca ser un foco permanente de discusión e formación sobre o papel dos medios na vertebración da sociedade, con especial atención á visibilización informativa e cinematográfica da(s) identidade(s) de xénero.

ACTIVIDADES

Data de inicio: 12/11/2018Data de fin: 31/12/2020I.P.: Margarita Ledo AndiónInvestigadores participantes: Margarita Ledo Andión Marta Pérez Pereiro Silvia Roca Baamonde , Carla Cerqueira; Ana Jorge
NOVAS RELACIONADAS
O CO(M)XÉNERO, recoñecido pola USC como acción docente innovadora en materia de xénero
23/10/2019

O CO(M)XÉNERO, Seminario Permanente de Comunicación e Xénero impulsado polo Grupo de Estudos Audiovisuais foi distinguido nos X Premios á Introdución da Perspectiva de Xénero que entrega cada ano a USC. O seminario, que celebra a súa terceira edición o vindeiro mes de novembro, está coordinado pola catedrática e directora do GEA, Margarita Ledo Andión, […]

Seguir lendo
Abertas as inscricións para a terceira edición do CO(M)XÉNERO
O seminario pon o foco nos videoxogos para analizar o sexismo, violencias e desigualdades do sector
08/10/2019

A terceira edición do CO(M)XÉNERO, Seminario Permanente de Comunicación e Xénero decorrerá nos días 18 e 19 de novembro na Facultade de Ciencias da Comunicación, organizado polo Grupo de Estudos Audiovisuais (GEA) e a Oficina de Igualdade de Xénero da USC. Nesta ocasión, as xornadas poñen o foco nos videoxogos, un sector tradicionalmente asociado ao […]

Seguir lendo
Aberto o prazo de inscrición na segunda edición do Seminario CO(M)XÉNERO
Co título 'Muller nas Estremas', a sesión explora as fronteiras físicas, imaxinarias e culturais vencelladas ao xénero e faino o dende cinema como medio para encaralas. 
11/03/2019

O martes 26 de marzo a Facultade de Ciencias da Comunicación da Universidade de Santiago de Compostela acollerá a segunda edición do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA). Coordinado por Margarita Ledo Andión, Catedrática de Ciencias de Comunicación e Publicidade da USC e directora do […]

Seguir lendo
ACTIVIDADES
CO(M)XÉNERO 3. Cibersexismo. Violencia e videoxogos 18 Nov Seminario Permanente de Comunicación e Xénero
CO(M)XÉNERO. Muller nas Estremas 26 Mar Seminario Permanente de Comunicación e Xénero
CO(M)XÉNERO 12 Nov Seminario Permanente de Comunicación e Xénero
© 2019 Estudos Audiovisuais