Aberta a inscrición para a décimo primeira edición do CO(M)XÉNERO. Na letra pequena. As mulleres nos oficios do cinema.
O seminario terá lugar os días 6 e 7 de novembro na Facultade de Cc. da Comunicación.
Os días 6 e 7 de novembro de 2024 celebrarase a décimo primeira edición do CO(M)XÉNERO, organizada polo Grupo de Estudos Audiovisuais (GEA), na que se afondará no rol esencial das mulleres nos oficios do cinema que en ocasións son considerados á marxe, na súa constitución como figuras versátiles e polifacéticas e no mantemento do seu empeño creativo dende todas as posicións.
O seminario dará comezo o mércores 6 de novembro coa intervención de Xaime Varela Sieiro, investigador e profesor do IES Arcebispo Xelmirez II de Santiago de Compostela, quen recupera a figura da sonidista Cruz Risco, creadora da peza Por que marchamos (1979). A continuación, intervirá Carme Rodríguez, compositora e orquestradora galega, que esclarecerá, dende a súa propia experiencia, o oficio da composición na industria audiovisual.
Ana Viñuela, profesora e investigadora da Université Paris 3 Sorbonne Nouvelle, iniciará a xornada do 7 de novembro abordando o mundo da coprodución a través do modelo francés e o caso d’O que arde (2019), froito do traballo conxunto entre Galicia, Francia e Luxemburgo. Por último, o seminario contará coa participación de Pilar Monsell, directora, montadora, guionista e investigadora na Universitat Pompeu Fabra (UPF) de Barcelona, quen abordará os seus procesos creativos integrais no cinema de non ficción.
A inscrición é de balde e ata completar aforo. Estará aberta ata o 4 de novembro a través deste formulario.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
Data de inicio: 12/11/2018Data de fin: 15/11/2023I.P.: Margarita Ledo AndiónInvestigadores participantes: María Soliña Barreiro