Cadernos de comunicación e xénero Co(m)xénero 2

O segundo caderno CO(M)XÉNERO segue a facer medrar a aposta e recolle diversas achegas dos seminarios 4, 5 e 6 que celebramos no período 2020-2021 e en marzo de 2022. Contra a desmemoria e a prol da auto-representación organizou a proposta de saída para poder avanzarmos cara a Recuperar a fala, recuperar a alma, que puxo os ollos en territorios específicos de exclusión: a diáspora, a represión institucional que vai da pobreza, a nai solteira e até a sexualidade e aqueles modos que estigmatizan para destruirnos so a pauliña da bruxería. E chegamos ás Fendas no círculo de xiz, a esculcar diferentes prácticas nos medios de comunicación e a localizar e esculcar contra-prácticas con perspectiva de xénero e feministas.