Margarita Ledo Andión é Catedrática emérita de Comunicación Audiovisual e Publicidade da Universidade de Santiago de Compostela.

CV no portal da investigación USC

As súas principais liñas de traballo abranguen as políticas de comunicación e cultura, a diversidade e espazos xeo-lingüísticos de comunicación, as teorías feministas nos universos de creación e a expresión, o pensamento cinematográfico, e os usos e discursos da fotografía.

Exerceu como investigadora principal de diversos proxectos de investigación competitiva, entre eles: “EU- VOS. Patrimonio Cultural Inmaterial. Para un programa europeo de subtitulado en linguas non hexemónicas” (AEI. CSO2016-76014- R), “Cara ao Espazo Dixital Europeo. O papel das cinematografías pequenas en versión orixinal” ( MINECO- CSO2012-35784); “Cine, Diversidad y Redes” (MINECO- CSO2009-13702); “Lusofonía: interactividade e  interculturalidade” (Xunta de Galicia:INCITE08 PXIB212124 PR).

Entre as súas publicacións máis destacables, atópase a edición da serie Para unha historia do cinema en lingua galega, que inclúe os volumes De illas e sereas (2020, Vigo: Galaxia), A foresta e as árbores (2019; Vigo: Galaxia) e Marcas na Paisaxe (2018, Vigo: Galaxia); o ensaio El cuerpo y la cámara (2019; Madrid: Cátedra);  ou os artigos  “Diáspora en feminino e cinema” (2018) para Cinema & Território, Revista Internacional de Arte e Antropologia das Imagens, “Acciones (in)diferentes, tensiones latentes” (2016) publicado en IC: Revista Científica de Información y Comunicación; “Cinema europeo en linguas de nacións sen estado e pequenas nacións” (2016), en coautoría con A. López e M. Pérez para a Revista Latina de Comunicación Social; “La Diversidad Cultural a través de la Red: el caso del cine identitario” (2013) con E. Castelló para Comunicar, Revista Científica Iberoamericana de Comunicación e Educación; e “Identification of barriers and motivations in the circulation of audiovisual media contents in the Lusophone space: communication, interculturality, citizenship, and interactivity”(2012) en coautoría con E. Castelló para Communication and Society. No campo da imaxe, sobresaen “Ver y querer ver: foto de guerra contra periodismo” (2014) en Chasqui. Revista Latinoamericana de Comunicación, “Cinema Documental. Cibercultura, tecnologías de proximidad” (2015) en Telos; “El cuerpo, esa insoportable lengua comunal” no volume El tratamiento informativo de la violencia contra las mujeres  (2015), coordinado por I. Postigo e A. J. Alonso; ou “Vestigio y Extrañeza: sobre la obra de Bernardo Tejeda” no libro Imagen, cuerpo y sexualidad (2014), editado por F. Zurian.

No campo da imaxe fotográfica e cinematográfica, cómpre salientar o capítulo  “A intimidade da imaxe” en Anna Turbau. Galicia 19756-1979 (2017, Santiago de Compostela: CCG), para alén dos libros Cine de fotógrafos (2005, Barcelona:, Gustavo Gili, Premio “Fundació Espais d’Art Comtemporani”); Del Cine Ojo a Dogma 95 (2004, Barcelona: Paidós); Documentalismo fotográfico (1998, Madrid: Cátedra); Documentalismo fotográfico comtemporáneo (1995, Vigo: Xerais) ou Foto-Xoc e Xornalismo de Crise (1988, Sada: Edicións Do Castro, premio Grupo Foto-Libro del Año Documental).

Con 4 sexenios de investigación e un índice h-10 e ih-12, participou en calidade de Experta nas comisións da FCT,  Fundação para a Ciência e a Tecnoloxía e da Agência para a Acreditação e a Avaliação do Ensino Superior, A3ES (Portugal).

A súa actividade como como docente na USC amplíase coa impartición de cursos de mestrado e doutoramento en centros como a Université París 8, a City University of New York, a Universidad de Buenos Aires, a Universidade Lusófona de Lisboa, o Instituto Politécnico de Porto, a Universitat Pompeu Fabra, a Universitat Autónoma de Barcelona, a Universidad Carlos 3 de Madrid, ou a Euskal Herriko Unibertsitatea; e formou parte do Centre Européen des Études et des Recherches sur les Practiques Politiques (Marc Abélès, Coord.).

Presidiu a Federação Lusófona de Ciências da Comunicação (LUSOCOM), foi vicepresidenta primeira da Asociación Española de Investigación en Comunicación (AE- IC ), é vicepresidenta da Asociación Iberoamericana de Comunicación (ASSIBERCOM) e presidenta de honra da Asociación Galega de Investigadores e Investigadoras da Comunicación (AGACOM). Pertence ao consello editorial de revistas como Telos, Chasqui, Discursos fotográficos, Infoamérica, L’ Atalante, Quaderns do CAC, Revista Latinoamericana de Comunicación, Trípodos, Uztaro, Comuniació ou AdComunica.

Numeraria da Real Academia Galega, escritora e cineasta, recibiu, entre outros, o Premio Nacional da Cultura Galega en Cinema e Audiovisual (2008) e o Premio Otero Pedrayo (2018).