Actualidade
Novas e Axenda Bota un ollo á actividade do GEA

O CO(M)XÉNERO reflexiona sobre autoría, memoria e representación a través da arte e do cinema

O cuarto Seminario Permanente de Comunicación e Xénero da USC decorrerá nos días 19 e 20 de outubro

15/10/2020

Con propostas dende o cinema documental, o traballo con imaxes de arquivo e cinema recuperado, a pescuda nos diarios íntimos ou mesmo a performance e o autorrelato, neste cuarto CO(M)XÉNERO falaremos de identidade, de como nos representan e nos representamos, da necesidade de ampliar a diversidade de voces que constrúen os relatos e configuran a nosa memoria, individual e colectiva.

«Contra a desmemoria» é o título que nos reúne os días 19 e 20 de outubro na Facultade de Ciencias da Comunicación da Universidade de Santiago de Compostela para compartir un espazo —físico ou virutal— con artistas, docentes, investigadoras e cineastas que veñen traballando nestes tópicos dende cadansúa área de estudo e expresión.

O primeiro día do seminario contaremos con Rosa Cabecinhas, investigadora e docente do Centro de Estudos de Comunicação e Sociedade (CECS) da Universidade do Minho, que abordará a relación entre memoria, cinema, xénero e comunicación intercultural, e coa artista interdisciplinar Monica Mura, que nos levará a pensar sobre o corpo e as formas diversas coas que nos representamos.

Na segunda xornada do CO(M)XÉNERO participarán cineastas que exploran os temas da identidade, o autorrelato e a memoria nas súas filmografías, como Xiana do Teixeiro, directora de Tódalas mulleres que coñezo (curtametraxe premiada no OUFF, no Festival de Cine Documental Alcances, DocumentaMadrid 2018 e no Evolution International Film Festival de Mallorca, entre outros), e de Crías, un proxecto a cabalo entre a investigación e o documental; Carolina Astudillo, cineasta Biznaga de Prata ao mellor documental nos Festivais de Málaga de 2014 por Ainhoa, yo no soy esa, e 2018 por El gran vuelo; e Nuria Giménez Lorang, directora da multipremiada My mexican bretzel (mellor película, guión e dirección española no Festival de Gijón 2019, Premio Found Footage no Festival de Rotterdam e premio do público no D’A Barcelona).

O seminario está especialmente dirixido a profesionais e persoal investigador no ámbito da comunicación, a estudantes dos Graos de Comunicación Audiovisual e Xornalismo, así como ao público xeral interesado en abordar os medios e as industrias culturais dende unha lectura e análise críticas.

A inscrición, de balde, está aberta até o 16 de outubro a través do formulario dispoñible na web do Grupo de Estudos Audiovisuais da USC. Todas as persoas matriculadas poderán seguir as actividades tanto de maneira presencial como por streaming.

Organizado polo Grupo de Estudos Audiovisuais coa colaboración da Oficina de Igualdade de Xénero da USC, o CO(M)XÉNERO conta nesta cuarta sesión co financiamento da Xunta de Galicia a través da convocatoria 2017 de axudas para a consolidación e estruturación de unidades de investigación competitivas.

MÁIS NOVAS
Margarita Ledo participará no curso: Habitar el lenguaje: arte, política y ficción o vindeiro 19 de xuño
O curso é organizado polo Círculo de Bellas Artes de Madrid e terá opción presencial e online
06/06/2023

A Catedrática de Comunicación e IP do Grupo de Estudos Audiovisuais, Margarita Ledo, participará no curso: Habitar el lenguaje: arte, política y ficción o vindeiro 19 de xuño. O curso, organizado polo Círculo de Bellas Artes de Madrid, aborda as formas contemporáneas de representación e as súas implicacións políticas e sociais desde diferentes perspectivas e disciplinas. Esta reflexión […]

Seguir lendo
Fx: Ollos para ver, 1º encontro de fotografía documental contemporánea galega
Exposición, seminario e curso de verán
23/05/2023

O 1º Encontro de Fotografía Documental Contemporánea Galega está organizado dende o Grupo de Estudos Audiovisuais e agrupa unha lista de actividades que teñen como cometido achegar fotografía documental galega, da man dunha extensa lista de profesionais, ao eido universitario. Compónse á súa vez de diferentes actividades dende os meses de abril ata xullo: EXPOSICIÓN […]

Seguir lendo
O GEA participa na rolda de prensa da Iniciativa polo galego no audiovisual sobre o relatorio para a aplicación da Directiva audiovisual no Parlamento Europeo
O sector audiovisual académico e profesional valora como un éxito inclusión dunha emenda elaborada polas entidades agrupadas na Iniciativa polo galego no audiovisual
10/05/2023

Santiago de Compostela, 10 de maio de 2023.- Representantes do sector audiovisual valoraron esta mañá en rolda de prensa a aprobación, por parte do parlamento europeo, do relatorio para a aplicación da Directiva audiovisual, salientando a inclusión dunha emenda elaborada polas entidades agrupadas na Iniciativa polo galego no audiovisual do que  asistiron en representación: Margarita […]

Seguir lendo
INVESTIGACIÓN / MARCO VINCULADO
CO(M)XÉNERO Seminario Permanente de Comunicación e xénero
Data de inicio: 12/11/2018Data de fin: 31/12/2020I.P.: Margarita Ledo AndiónInvestigadores participantes: Marta Pérez Pereiro Silvia Roca Baamonde , Carla Cerqueira; Ana Jorge
Foco permanente de discusión e formación sobre o papel dos medios na vertebración da sociedade, con especial atención á visibilización informativa e cinematográfica da(s) identidade(s) de xénero.
Seguir lendo
© 2023 Estudos Audiovisuais