Aberta a inscrición para a décima edición do CO(M)XÉNERO. Imaxes do delito.
O seminario terá lugar nos días 8 e 9 de abril na Facultade de Cc. da Comunicación.
Os días 8 e 9 de abril de 2024, a décima edición do CO(M)XÉNERO, organizada polo Grupo de Estudos Audiovisuais (GEA), aborda as prácticas fotográficas feministas, os espazos nos que se producen, as posicións dende as que se enuncian e os seus mecanismos de visibilización.
Pilar Aymerich, Premio Nacional de Fotografía 2021, capturou coa súa cámara o rexurdimento das mulleres rebeldes na esfera pública durante a Transición (os delitos propios, as manifestacións, os congresos, as autoinculpacións), con ela repasaremos esa nova xenealoxía da imaxe fotográfica de mulleres e coa súa galerista, Rocío Santacruz, pensaremos as formas de facer circular a fotografía documental feminista.
O autorecoñecemento na posición de outsider dos proxectos fotográficos de Laure Mojo contribuirán a preguntarnos dende onde enuncian as mulleres a súas imaxes con liberdade; e o traballo de recuperación fotográfica en forma de curtametraxe desenvolvida por Mar Caldas pecha o círculo coa recuperación dunha memoria en imaxes ausentes reprimida polo Franquismo.
A inscrición é de balde e ata completar aforo. Estará aberta ata o 5 abril a través deste formulario.
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
O venres pasado, 17 de abril, Rocío del Pilar Sosa Fernández, membro do GEA, presentou a comunicación Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR no marco da conferencia 2026 SJTU-IAMCR Emerging Media Conference: Creative Communication and Empowerment. Devandito evento foi organizado pola International Association for Media […]
O vindeiro venres, día 10 de abril, Sara Calvete Lorenzo, investigadora en formación do Grupo de Estudos Audiovisuais, defenderá a súa tese doutoral. A defensa terá lugar na Sala de Visionado 1 da Facultade de Ciencias da Comunicación da Universidade de Santiago de Compostela ás 11h. A tese, dirixida pola profesora da mesma facultade Antía […]
Data de inicio: 12/11/2018Data de fin: 15/11/2023I.P.: Margarita Ledo AndiónInvestigadores participantes: María Soliña Barreiro