Cadernos de Comunicación e Xénero CO(M)XÉNERO 1

Presentamos o primeiro Caderno de Comunicación e Xénero CO(M)XÉNERO, resultado das tres primeiras sesións do seminario, para ampliar o debate sobre os temas e motivos que nos levaran á realización destes encontros.

Situámonos no pensamento crítico, na súa aplicación aos lugares que habitamos, ás propostas que construímos, ás obras onde nos representamos, a un ben público como o da información ou calquera outro artefacto de comunicación para ollarmos cara a cara cada situación, mesmo as que nos vulneran ou nos negan. No ronsel de Judith Butler, sobre ou subexpostas, cómprenos actuar. E un modo de actuar pasa pola fala, polo acceso ao coñecemento de realidades múltiples que nos configuran, por propostas outras, diferentes, que respecten o corpo, este corpo que, no dicir de Hélène Cixous, é o que nos fai sentir a vida, a morte, amar, pensar.

Índice

Proemio. Margarita Ledo Andión.

A Análise Crítica do Discurso. Ana Jorge Alonso.

A creación do suxeito feminino no cinema. Inicios, consolidación e novos camiños da teoría e crítica feministas. Marta Pérez Pereiro.

Uma câmara só para ela: A construção de identidades através do cinema. Ana Catarina Pereira.

Soft monies/Hard realities: fronteira, tecnoloxía e xénero nos primeiros vídeo-ensaios de Ursula Biemann. Elena Oroz.

Género e jornalismo. Representações e (in)visibilidades. Propostas para un tratamento informativo livre de tópicos sexistas. Carla Cerqueira.

A muller como creadora, protagonista e consumidora de videoxogos e transmedia. Dhaunae De Vir.