O Grupo de investigación Estudos Audiovisuais – Comunicación Audiovisual: contidos, formatos e tecnoloxía-(GEA) é un Grupo de Referencia Competitiva da Universidade de Santiago de Compostela, adscrito ao Departamento de Ciencias da Comunicación e coordinado polo profesor Enrique Castelló Mayo.

A misión e obxectivos do grupo son a análise dos procesos comunicacionais como construtores culturais e instrumentos capitais na conformación de sociedades. Ao abeiro de diferentes enfoques- político, social, económico…- e con especial atención á construción da(s) identidade(s) e á preservación da diversidade cultural, artella propostas investigadoras interdisciplinarias cuxos resultados se dirixen á comunidade científica, aos responsables de políticas públicas, os profesionais dos sectores implicados e á cidadanía en xeral.