CO(M)XÉNERO

A persistencia do discurso androcéntrico nos contidos, a liña editorial e as estruturas organizacionais dos medios de comunicación actuais reflicte e perpetúa unha sociedade asimétrica e disfuncional que silencia e incapacita os posicionamentos diverxentes.

Pór fin a esta dinámica invalidante pasa pola necesaria construción de audiencias e colectividades formadas no pensamento crítico, capaces de analizar, deconstruír e mesmo comezar a reverter as representacións e estruturas sexistas presentes nos medios.

A urxencia desa capacitación demanda a incorporación inmediata dos Estudos de Xénero aos plans educativos existentes en materia de comunicación. Neste contexto, o seminario CO(M)XÉNERO busca ser un foco permanente de discusión e formación sobre o papel dos medios na vertebración da sociedade,  con especial atención á visibilización informativa e cinematográfica da(s) identidade(s) de xénero.

PROGRAMA 1º EDICIÓN

16.00 h | Recepción

16.15 h | Presentación do Seminario. Margarita Ledo Andión (Universidade de Santiago de Compostela)

16.30 h | Xénero e poder. A construción do discurso e o espazo mediático. Ana Jorge Alonso (Universidad de Málaga)

17.30 h | Xénero e xornalismo. Representacións e (in)visibilidades. Pautas para un tratamento informativo libre de tópicos sexistas. Carla Cerqueira (CECS-Universidade do Minho)

18.30 h | Pausa

19.00 h | Xénero e cinema. A crítica feminista na construción da ollada. Marta Pérez Pereiro (Universidade de Santiago de Compostela)

20.00 h | Proxección do filme “Tódalas mulleres que coñezo”, de Xiana do Teixeiro e debate posterior.

21.30 h |Saída.

RECURSOS E MATERIAIS DE INTERESE

Bibliografía

• Cerqueira, Carla; Cabecinhas, Rosa & Magalhães, Sara [eds.] (2016).  Gender in focus: (new) trends in media. Braga (Portugal): Centro de Estudos de Comunicação e Sociedade (CECS), Universidade do Minho. ISBN: 978-989-8600-52-3 (ebook)
• Cerqueira, Carla;  Magalhães, Sara I.; Santos, Anabela; Cabecinhas, Rosa & Nogueira, Conceição (2014). De outro género: propostas para a promoção de um jornalismo mais inclusivo. Braga (Portugal): Centro de Estudos de Comunicação e Sociedade (CECS), Universidade do Minho. ISBN: 978-989-8600-28-8
• Citron, Michell (1999). Home movies and other necessary fictions. Minneapolis: University of Minnesota Press.
• Haskell, Molly (1974).  From Reverence to Rape: The Treatment of Women in the Movies. Los Ángeles: New English Library.
• Pérez Pereiro, Marta (2018). Arqueoloxía(s) do saber. A crítica feminista desde as orixes ata a actualidade. A cuarta parede, nº 38.
• Rosen, Marjorie (1973). Popcorn venus: women, movies & the American dream, NY: Morrow/Avon.

Proxectos de investigación

• Proxecto “Género em Foco | Gender in Focus“
• Proxcto “PubliDiversidade“
• Projeto “e-storias d’igualdade”

Filmes e vídeos:

• Born in flames (Lizzie Borden, 1983)
• Daughter rite (Michelle Citron, 1983)
• Reviews fuertecitas (Isa Calderón)
• Riddles of the sphinx (Laura Mulvey, 1977)