O CO(M)XÉNERO, Seminario Permanente de Comunicación e Xénero impulsado polo Grupo de Estudos Audiovisuais foi distinguido nos X Premios á Introdución da Perspectiva de Xénero que entrega cada ano a USC. O seminario, que celebra a súa terceira edición o vindeiro mes de novembro, está coordinado pola catedrática e directora do GEA, Margarita Ledo Andión, e pola profesora e investigadora Marta Pérez Pereiro.
Con estes premios, a USC pon o foco en accións innovadoras dirixidas á inclusión da perspectiva de xénero na docencia e na investigación. A Universidade outorgou tres premios para cada unha das modalidades, correspondendo ao CO(M)XÉNERO o segundo premio no eido docente. Marta Pérez Pereiro recolleu o galardón este mércores nun acto presidido polo reitor da USC.
O primeiro premio na docencia foi para un proxecto sobre a materia Estrutura Social e Estado do Benestar, mentres o terceiro foi outorgado a unha iniciativa para introducir a perspectiva de xénero no estudo das adiccións.
Na modalidade de investigación, foron premiados un proxecto sobre a muller na historia rural, unha pesquisa sobre as estratexias de seguridade marítima dende unha perspectiva de xénero e unha terceira sobre as directivas femininas e a xestión de impresións nos informes de sustentabilidade.
A Facultade de Ciencias da Comunicación da Universidade de Santiago de Compostela acolle o xoves 12 e venres 13 de decembro o simposio internacional ‘As linguas e o cinema II. Para un programa europeo de subtitulado en linguas non hexemónicas’. Un encontro aberto á comunidade universitaria e a profesionais do sector no que investigadoras e […]
Esta semana chega ás salas de cinema Longa noite, o novo filme de Eloy Enciso, un retrato da sociedade galega da posguerra construído a partir de textos de Max Aub, Luís Seoane ou Alfonso Sastre. Para celebralo, a sala NUMAX organiza, do 5 ao 12 de decembro, unha serie de coloquios e presentacións nas que […]
A Academia das Artes e as Ciencias Cinematográficas de España vén de anunciar as candidaturas aos Premios Goya 2020, nas que o cinema galego sobresae cos catro nomeamentos para O que arde (Óliver Laxe, 2019) nas categorías de Mellor dirección, Mellor película, Mellor actriz revelación, con Benedicta Sánchez (O Corgo, Lugo), e Mellor fotografía, a […]
Data de inicio: 12/11/2018Data de fin: 31/12/2020I.P.: Margarita Ledo AndiónInvestigadores participantes: Margarita Ledo Andión Marta Pérez Pereiro Silvia Roca Baamonde , Carla Cerqueira; Ana Jorge