O GEA recibe a Mención Honorífica da USC pola súa traxectoria a prol da igualdade de xénero.
O acto de entrega celebrarase o 9 de marzo ás 12.00 h no Paraninfo da USC
A Oficina de Igualdade de Xénero da USC outorga ao Grupo de Estudos Audiovisuais a Mención Honorífica en recoñecemento a unha consolidada traxectoria de investigación e actividades formativas con perpectiva de xénero. Entre as iniciativas e accións promovidas polo GEA e valoradas para a concesión desta mención, a Universidade pon énfase no desenvolvemento do CO(M)XÉNERO-Seminario Permanente de Comunicación e Xénero e na súa tarefa cara á deconstrución das representacións e estruturas sexistas presentes nos medios e nas industrias culturais e creativas.
A entrega da mención terá lugar o día 9 de marzo ás 12.00 no Paraninfo da Universidade no marco do acto conmemorativo do Día Internacional das Mulleres. O evento contará coas intervencións de Marilar Aleixandre e Margarita Ledo Andión.
A concesión deste recoñecemento forma parte das accións emprendidas pola USC en cumprimento do II Plan Estratéxico de Igualdade de Oportunidades entre Mulleres e Homes (PEIOMH), que ten por obxectivo promover a introdución da perspectiva de xénero na docencia e na investigación.
http://ae-ic.org/fallecimiento-de-enrique-bustamante/
Arredor de Jesús Martín Barbero: Mapa para voos nocturnos Margarita Ledo Andión No prefacio a Vol de nuit, 1931, de Saint-Exupéry, André Gide fálanos de “le surpassement de soi et le sens de devoir”. E talvez por iso é común atopar nos escritos do propio Martín Barbero ademais de nos seus analistas ese topos que […]
O Grupo de Estudos Audiovisuais da USC é o encargado de organizar a 12ª edición do congreso internacional Small Cinemas, un encontro itinerante de carácter anual que congrega investigadoras e investigadores de todo o mundo referentes no estudo dos denominados pequenos cinemas, cinematografías de países e culturas con linguas minorizadas, nacións sen estado ou entidades […]
Data de inicio: 12/11/2018Data de fin: 31/12/2020I.P.: Margarita Ledo AndiónInvestigadores participantes: Margarita Ledo Andión Marta Pérez Pereiro Silvia Roca Baamonde , Carla Cerqueira; Ana Jorge