Sujetos en las pantallas. Psicoanálisis, cine y plataformas virtuales

As diversas manifestacións do audiovisual nas sociedades occidentais, tanto na súa vertente cinematográfica como nas novas formas de comunicación virtual, constitúen un espello no que localizar, ler, algunhas das máis relevantes fendas das subxectividades contemporáneas. Tal é o propósito deste libro: aproximarse criticamente, desde o vasto corpus teórico da psicanálise, entendida como disciplina que se interroga precisamente polo suxeito na súa radical singularidade, ao feito fílmico e á dimensión do virtual, punta de lanza das últimas e vindeiras metamorfoses da comunicación audiovisual. Así, o presente volume pretende ofrecer unha panorámica heteroxénea das complexas relacións dos suxeitos tardomodernos con diversos tipos de pantallas e textos audiovisuais.