Actividades
Cursos de formación, seminarios e congresos
COMXENERO3_cartaz

CO(M)XÉNERO 3. Cibersexismo. Violencia e videoxogos

Seminario Permanente de Comunicación e Xénero

A persistencia do discurso androcéntrico nos contidos, a liña editorial e as estruturas organizacionais dos medios de comunicación actuais e das industrias creativas e culturais reflicten e perpetúan unha sociedade asimétrica e disfuncional que silencia e incapacita os posicionamentos diverxentes.

Pór fin a esta dinámica invalidante pasa pola necesaria construción de audiencias e colectividades formadas no pensamento crítico, capaces de analizar, deconstruír e mesmo comezar a reverter as representacións e estruturas sexistas presentes nos medios.

A terceira edición do CO(M)XÉNERO, organizado polo Grupo de Estudos Audiovisuais (GEA) e a Oficina de Igualdade de Xénero da USC, pon o foco na contorna dos videoxogos para observar as desigualdades e estereotipos de xénero existentes na construción de narrativas, no desenvolvemento profesional das mulleres como xogadoras, comentaristas, formadoras, creadoras e programadoras, e a súa transcendencia social. Ao tempo, aborda e analiza os escenarios de violencia recorrentes neste contexto para procurar ferramentas comunicacionais e educativas coas que comezar a mudar o espazo de xogo.

O seminario está dirixido a estudantes de comunicación, investigadoras e investigadores, profesionais e, en xeral, a todas as persoas interesadas en abordar, dende unha lectura crítica, os medios e as industrias culturais e creativas. O prazo de inscrición está aberto até o 15 de novembro.

Esta terceira edición do CO(M)XÉNERO está financiada con fondos do Pacto de Estado contra a Violencia de Xénero (Ministerio da Presidencia, Relacións coas Cortes e Igualdade) e da Xunta de Galicia a través da convocatoria 2017 de axudas para a consolidación e estruturación de unidades de investigación competitivas, da que é beneficiario o GEA.

Recursos e materiais de interese

Programa

Luns, 18 de novembro

VISIONADO 1

16.00 h. Benvida e presentación da III Edición do CO(M)XÉNERO. | Margarita Ledo Andión, Catedrática de Comunicación Audiovisual e Publicidade da Universidade de Santiago de Compostela, e Marta Pérez Pereiro, docente e investigadora da Universidade de Santiago de Compostela.

16.15 h. Conferencia. Tecnoloxías e cambio social: porque as mulleres non debemos perder ese tren. | Nieves R. Brisaboa. Directora do grupo de investigación Laboratorio de Bases de Datos. Catedrática de Linguaxes e Sistemas Informáticos da Universidade da Coruña. Premio Nacional de Informática.

17.00 h. Conferencia. A muller como creadora, protagonista e consumidora de videoxogos e transmedia. | Dhaunae De Vir. Desenvolvedora de negocio de videoxogos e transmedia. Ex-xogadora semiprofesional.

18.00 h. Pausa

SALA DE DOUTORAMENTO (S3)

18.15 h. Obradoiro 1. O deseño de videoxogos dende una perspectiva inclusiva. | Beatriz Legerén Lago. Profesora especializada en deseño e creación de videoxogos da Universidade de Vigo. Guionista e deseñadora de produtos interactivos. Olaia Ferrando. Deseñadora UI/UX. Ilustradora. Investigadora no ámbito dos videoxogos. | Prazas: 25.

VISIONADO 1

18:15 h. Proxeccións e debate 1. Tropes vs. Women in Video Games (Anita Sarkeesian, 2013-2017) – VOSG. Pezas audiovisuais que abordan o sexismo no ámbito dos videoxogos.

  • 25 Invisible Benefits of Gaming While Male (Sarkeesian 2014, 5’)
  • Ms. Male Character (Sarkeesian, 2015, 25’)
  • Jade – Positive Female Characters in Video Games (Sarkeesian, 2015, 11’)
  • Body Language & The Male Gaze (Sarkeesian, 2016, 8’)

21.00 h. Peche da xornada.

Martes, 19 de novembro

AULA “NACHO MIRÁS”

16.00 h. Obradoiro 2. As mulleres nos videoxogos: creación de personaxes dende unha perspectiva inclusiva. | Luz Castro Pena. Profesora da Universidade da Coruña especializada en creación dixital, deseño, desenvolvemento e comercialización de videoxogos. Socia e co-fundadora de imaxin|software. | Prazas: 25

VISIONADO 1

16:00 h. Proxeccións e debate 2. Mulleres, homes e videoxogos. Pezas audiovisuais que abordan o sexismo no ámbito dos videoxogos.

  • Mujeres+Videojuegos (Marina Amores, 2015, 30’)
  • Hombres+Videojuegos (Marina Amores, 2016, 23′).

AUDITORIO

18.00 h Partida de exhibición de Overwatch | Minia «Samku» Monteagudo e Javier «Gamer Vidal» Martínez, comentaristas de eSports e integrantes de TitanMedia.

19.15 h Mesa redonda. A fregar! Acoso e sexismo nos videoxogos.

Modera: Marta Pérez Pereiro. Docente e investigadora da USC.

Intervencións de:

21.00 h. Peche do seminario.

Recoñecemento para estudantes de Doutoramento en Comunicación e Información Contemporáneas.

A participación no seminario pode ser recoñecida como actividade formativa para o estudantado do Programa de Doutoramento en Comunicación e Información Contemporáneas. Esixe acreditación da asistencia á totalidade das actividades recollidas nun dos itinerarios.

Solicita máis información en comxenero@estudosaudiovisuais.gal

COMXENERO3_cartaz
Título do curso: CO(M)XÉNERO 3. Cibersexismo. Violencia e videoxogosDescrición: Seminario Permanente de Comunicación e XéneroDatas: 18/11/2019 - 19/11/2019Lugar: Facultade de Ciencias da ComunicaciónInscrición: http://bit.ly/COMXENERO-3-Inscricion
18/11/2019Facultade de Ciencias da Comunicación
Descargas
– Programa CO(M)XÉNERO 3. pdf | 244.12 KB
– Cartaz CO(M)XÉNERO 3. pdf | 217.38 KB
Mediateca
INVESTIGACIÓN / MARCO VINCULADO
CO(M)XÉNERO Seminario Permanente de Comunicación e xénero
Data de inicio: 12/11/2018Data de fin: 31/12/2020I.P.: Margarita Ledo AndiónInvestigadores participantes: Margarita Ledo Andión Marta Pérez Pereiro Silvia Roca Baamonde , Carla Cerqueira; Ana Jorge
Foco permanente de discusión e formación sobre o papel dos medios na vertebración da sociedade, con especial atención á visibilización informativa e cinematográfica da(s) identidade(s) de xénero.
Seguir lendo
© 2019 Estudos Audiovisuais