Cinema europeo en linguas de nacións sen estado e pequenas nacións

A recente incorporación ao dominio da reflexión académica dunha denominación diversa: cinema de pequenas nacións, identitario, en linguas minoritarias/minorizadas. A reconceptualización do termo cinema nacional, síntoma da multiplicidade de prácticas de linguas aínda sobreviventes. E unha abordaxe da política comunitaria en dúas vertentes: lingüística e cinematográfica, serán os nosos asuntos. Metodoloxía. Isto último emprázanos nas accións relativas á VO e VOS e na difícil transformación política de asuntos culturais, identitarios e ideolóxicos, fraguados en extensos períodos, que exceden a constitución da Unión. A súa abordaxe política na Carta Europea das Linguas Rexionais ou Minoritarias,ou nunha Comunicación da Comisión de Cultura e Educación ao Parlamento, é sempre escasa e paradoxal. Resultados e Discusión. Finalmente, acométense as condicións de confrontación da política comunitaria, con políticas recentes a pé de territorio, concretamente, os casos de Galiza, Gales e Finlandia.