De la no ficción

Máis aló de determinados estilemas narrativos da non ficción na ficción, o que se expón –a través de autores tan diferentes (por xénero, época e cultura cinematográfica) como Winterbotton ou Marguerite Duras– é a relación da experiencia persoal coa maneira de dar corpo, mediante unha obra, a esa intensidade que o real trae da man. Aínda que se adoptan os modos dun filme de xénero para certos documentais e filmes-documento que nos fan acceder a territorios velados –xa sexa filmando o traballo ou reconstruíndo un non lugar como Guantánamo–, cando a notación autobiográfica se erixe en nó organizador, entrecruzar ficción e non ficción é talvez a maneira de expresar o desexo dun certo futuro con materiais preexistentes.