Actualidade
Novas e Axenda Bota un ollo á actividade do GEA
As linguas e o cinema II

‘As linguas e o cinema II’ analiza a relación das pequenas cinematografías europeas co subtitulado

11/12/2019

A Facultade de Ciencias da Comunicación da Universidade de Santiago de Compostela acolle o xoves 12 e venres 13 de decembro o simposio internacional ‘As linguas e o cinema II. Para un programa europeo de subtitulado en linguas non hexemónicas’. Un encontro aberto á comunidade universitaria e a profesionais do sector no que investigadoras e investigadores do cinema e da tradución audiovisual na contorna europea achegarán diferentes perspectivas sobre a relación das pequenas cinematografías co subtitulado e a súa relevancia na preservación da diversidade lingüística como parte do Patrimonio Cultural Inmaterial Europeo.

‘As linguas e o cinema II’ encádrase nas actividades de difusión do proxecto ‘EU-VOS. Patrimonio Cultural Inmaterial. Para un programa europeo de subtitulado en linguas non hexemónicas’ (AEI-FEDER, ref. CSO2016-76014-R), liderado polo Grupo de Estudos Audiovisuais da USC. A asistencia é libre até completar a capacidade das salas.

O primeiro día, o simposio servirá para coñecer os resultados de estudos particulares sobre a versión orixinal subtitulada en linguas non hexemónicas no ámbito estatal, concretamente en galego, éuscaro e catalán. Marta Pérez Pereiro e Fernando Redondo Neira (USC) serán as persoas encargadas de expor o caso da lingua galega; as investigadoras da UPV-EHU Marijo Deogracias Horrillo e Beatriz Zabalondo Loidi falarán da situación no País Vasco e o caso catalán será presentado por Judith Clarés Gavilán, da Universitat Oberta de Catalunya e a investigadora da USC María Soliña Barreiro González.

O contexto internacional virá da man de Jacques Guyot (Université Paris 8, Francia), que abordará a situación da pluralidade lingüística nas diferentes manifestacións culturais a nivel mundial, e de Philippe Meers (Universiteit Antwerpen, Bélxica) que convidará aos asistentes a reflexionar sobre as culturas cinematográficas minorizadas na era dixital.

Unha política harmónica para o subtitulado

Na mañá do venres 13 de decembro, os investigadores principais do proxecto ‘EU-VOS’, Margarita Ledo Andión e Enrique Castelló Mayo (USC), presentarán os últimos resultados desta pescuda encamiñada a elaborar unha batería de indicadores e propostas para desenvolver unha política harmónica de subtitulado en linguas non hexemónicas a nivel europeo. Ademais, para esclarecer o que se está a facer desde o ámbito institucional nesta cuestión, a profesora da USC Antía López Gómez realizará unha panorámica sobre aquelas políticas públicas que afectan ao subtitulado das obras audiovisuais nos diferentes países da UE.

O simposio rematará coa conferencia de Henrique Monteagudo Romero (USC) sobre o fomento do plurilingüismo a través da competencia receptiva no audiovisual e o estudo de Pablo Romero Fresco (UVigo) sobre as tendencias e prácticas de subtitulación nas plataformas de vídeo baixo demanda.

MÁIS NOVAS
O GEA participa na reunión con Nestor Rego para valorar a situación da Lei do Audiovisual
Profesionais de distintos ámbitos do sector trasladaron as súas posicións ao deputado do BNG
20/06/2022

Este luns 20 de xuño tivo lugar na Facultade de Ciencias da Comunicación da USC un encontro co deputado do BNG, Nestor Rego, para facer un balance do escenario que se formula para o sector coa aprobación da Lei do Audiovisual. Ao encontro asistiron representantes de varias das entidades que forman a Iniciativa polo audiovisual en […]

Seguir lendo
Agapi organiza a xornada “Marco xurídico do sector audiovisual: retos de futuro”
A actividade celebrarase o 1 de xullo no Auditorio 1 do Edificio CINC da Cidade da Cultura
17/06/2022

Agapi (Asociación Galega de Produtoras Independentes) organiza o vindeiro día 1 de xullo unhas xornadas de formación presencial dedicadas a analizar aspectos xurídicos da produción audiovisual. O desenvolvemento da xornada terá lugar no Auditorio 1 do Edificio CINC da Cidade da Cultura de Galicia, en Santiago de Compostela. Baixo o título: Marco xurídico do sector […]

Seguir lendo
A doutoranda do GEA, Sara Calvete, finalista do concurso ‘Three Minute Thesis’ (3MT®)
A final do certame organizado pola EDIUS celebrarase o 27 de xuño na Nave de Vidán
15/06/2022

A USC, a través da súa Escola de Doutoramento Internacional (EDIUS), puxo este ano en marcha a primeira edición do Three Minute Thesis (3MT®), un concurso de comunicación para investigadores e investigadoras de todas as áreas do coñecemento. A doutoranda do GEA, Sara Calvete Lorenzo, é unha das finalistas do certame co vídeo no que […]

Seguir lendo
INVESTIGACIÓN / MARCO VINCULADO
EU-VOS: Patrimonio Cultural Inmaterial Para un programa de subtitulado en lenguas no hegemónicas
Entidade financiadora: Programa Estatal de I+D+i Orientada a los Retos de la SociedadData de inicio: 01/01/2017Data de fin: 31/12/2019Importe: 67.155 €I.P.: Margarita Ledo Andión, Enrique Castelló MayoEntidades participantes: FUNDACIO PER A LA UNIVERSITAT OBERTA DE CATALUNYA; FUNDACIO TECNOCAMPUS; Universidad del País Vasco; Universidade de Vigo
EUVOS. Patrimonio Cultural Inmaterial. Para un Programa Europeo de Subtitulado en Linguas Non Hexemónicas FEDER/Ministerio de Ciencia, Innovación y Universidades – Agencia Estatal de Investigación/ ref. CSO2016-76014-R
Entidade financiadora: FEDER/Ministerio de Ciencia, Innovación y Universidades – Agencia Estatal de Investigación/ ref. CSO2016-76014-RData de inicio: 30/12/2016Data de fin: 30/12/2019I.P.: Margarita Ledo Andión y Enrique Castelló MayoInvestigadores participantes: Margarita Ledo Andión Marta Pérez Pereiro Andrés Fraga Pérez José Luis Castro de Paz Enrique Castelló Mayo Antía López Gómez Fernando Redondo Neira , Xose Henrique Monteagudo Romero (USC), Carlos Pío del Oro Sáez (USC), Silvia Roca Baamonde (USC), Miren Manias Muñoz (UPV), Pablo Romero Fresco (Uvigo), María Soliña Barreiro González (ESUPT-UPF), Francisco Javier Azpillaga Goenaga (UPV-EHU), María José Deogracias (UPV-EHU), Beatriz Zabalondo Loidi (UPV-EHU), Judith Clares Gavilán (UOC), Jaques Guyot (Universitè Paris 8), Steve Blandford (University of South Wales), Ruth McElroy (University of South Wales), Pietari Kääpa (University of Stirling) Entidades participantes: Universidade de Santiago de Compostela, Universidade de Vigo, Euskal Herriko Unibertsitatea, Escola Universitária Politécnica Mataró-UPF, Universitat Oberta de Catalunya, Universitè Paris 8, University of South Wales, University of Stirling
Xeorreferenciamos a situación do subtitulado europeo en linguas non hexemónicas a través dunha cartografía comparativa de políticas públicas e prácticas sectoriais, da taxonomización das principais barreiras e/ou motivaciónz na accesibilidade ao cine VOS, da singularización de aquelas experiencias máis innovadoras a nivel tecnolóxico ou creativo que, atendendo á calidade dos subtítulos e á súa integración na obra cinematográfica, permitan usufructuar as apropiacións ao deseño universal aplicado á accesibilidade mediática, ao subtitulado parcial de O’Sullivan e ao subtitulado creativo.
Seguir lendo
EUVOS. Patrimonio Cultural Inmaterial. Para un Programa Europeo de Subtitulado en Linguas Non Hexemónicas
No marco do proxecto ‘EU-VOS. Patrimonio Cultural Inmaterial. Para un programa europeo de subtitulado en linguas non hexemónicas’ (AEI, ref. CSO2016-76014-R) o presente foro reúne a investigadoras e investigadores do cinema e a tradución audiovisual na contorna europea co obxectivo de formular indicadores cara unha política harmónica de subtitulado da produción cinematográfica e audiovisual en linguas europeas non hexemónicas.
Seguir lendo
Patrimonio cultural inmaterial. Para un programa europeo de subtitulado en linguas non hexemónicas. RETOS 2016
Entidade financiadora: Agencia Estatal de InvestigaciónData de inicio: 30/12/2016Data de fin: 29/12/2019Importe: 67.155,00€Investigadores participantes: Margarita Ledo Andión
© 2022 Estudos Audiovisuais