Actualidade
Novas e Axenda Bota un ollo á actividade do GEA

Margarita Ledo Andión participa no ciclo de presentacións da estrea de “Longa Noite”

04/12/2019

Esta semana chega ás salas de cinema Longa noite, o novo filme de Eloy Enciso, un retrato da sociedade galega da posguerra construído a partir de textos de Max Aub, Luís Seoane ou Alfonso Sastre. Para celebralo, a sala NUMAX organiza, do 5 ao 12 de decembro, unha serie de coloquios e presentacións nas que participarán tanto membros do equipo técnico e artístico da película como investigadoras, escritoras e profesoras, que achegarán ao público diversas perspectivas coas que enriquecer o visionado do filme.

Entre elas estará a directora do Grupo de Estudos Audiovisuais, Margarita Ledo Andión, que será a encargada de presentar o filme o luns 9 de decembro ás 21:00 horas. Precisamente Longa noite foi un dos filmes obxecto de análise en A foresta e as árbores, segundo volume da serie Para unha historia do cinema en lingua galega, publicado este 2019 polo GEA e a Editorial Galaxia. A xenerosidade de Eloy Enciso e da produtora Beli Martínez, que facilitaron acceder ao filme cando este aínda era un work in progress, fixo posible incluír a película neste itinerario temático ao redor dalgunhas das mostras máis representativas do cinema galego das primeiras décadas do século XXI.

Boa mostra do interese que está a espertar a última película do cineasta lugués atopámola no seu percorrido por festivais nacionais e internacionais como Locarno —onde conseguiu o premio á Mellor Dirección para a Crítica Independente—, Sevilla, Toronto, Nova York, Mar de la Plata —Mención Especial do Xurado— ou Cineuropa.

As datas do ciclo de presentacións e coloquios en NUMAX son:

  • Xoves 5 de decembro | 19:45 e 22:00
    Presentación e coloquio con Eloy Enciso e a equipa do filme ás 19:45 e só presentación na das 22:00.
  • Venres 6 de decembro | 20:00
    Presentación da produtora Beli Martínez
  • Sábado 7 de decembro | 19:45
    Presentación de Dolores Vilavedra, ensaísta e profesora da USC
  • Domingo 8 de decembro | 18:00
    Presentación do escritor Suso de Toro
  • Luns 9 de decembro | 21:00
    Presentación de Margarita Ledo Andión, escritora, cineasta e catedrática da USC
  • Martes 10 de decembro | 18:00
    Presentación e coloquio cos actores Zé Paredes e Nuria Lestegás
  • Mércores 11 de decembro | 20:00
    Presentación e coloquio con investigador@s de Histagra e Nomesevoces
  • Xoves 12 de decembro | 20:15
    Presentación e coloquio cos actores Fernando García e Luís Martínez
MÁIS NOVAS
Llorenç Soler: M’agrada pensar que sóc un amateur de tot el que faig
09/11/2022

Seducido polas moitas realidades que acubilla a cidade, Llorenç Soler filma en 1976 o Primeiro Seminario de Arquitectura de Compostela (1976), de carácter descritivo e, en paralelo, unha peza de montaxe radical na forma e na denuncia: Antisalmo.  Dende  entón Galiza fai parte dos seus materiais e serán as mediametraxes Gitanos sin romancero (1976), Autopista: […]

Seguir lendo
Margarita Ledo Andión participará como profesorado no Laboratorio FilmLAB LaC6 en Mieres
A coordinadora do GEA partillará experiencias no módulo 2 do laboratorio: "Formas y narrativas. Estructuras del guión cinematográfico"
09/11/2022

Neste laboratorio FilmLAB LaC6, un grupo de vinte profesionais do cinema en activo de recoñecida traxectoria, acompañan nas fases inicias sete proxectos cinematográficos de novas autorías.  Co fin de formar nas ferramentas necesarias no desenvolvemento e realización da propia obra audiovisual. Ademais de tempo e orientación para profundar nos proxectos, apréndese a elaborar un dossier […]

Seguir lendo
III Xornadas Internacionais Violencia de xénero e muller con discapacidade IN.XURGA 2022 coa participación de Margarita Ledo Andión
Os vindeiros 17 e 18 novembro de 2022 realizaránse as xornadas en streaming
09/11/2022

Os vindeiros 17 e 18 novembro a Asociación pola defensa das persoas con discapacidade/dependencia de Xuristas Inclusiv@s (IN.XURGA), organiza as III Xornadas Internacionais Violencia de xénero e muller con discapacidade IN.XURGA 2022, onde colaborará como asociada de honra a coordinadora do Grupo de Estudios Audiovisuais, Margarita Ledo Andión. intervirá o día 18 ás 18.00h coa […]

Seguir lendo
INVESTIGACIÓN / MARCO VINCULADO
EUVOS. Patrimonio Cultural Inmaterial. Para un Programa Europeo de Subtitulado en Linguas Non Hexemónicas FEDER/Ministerio de Ciencia, Innovación y Universidades – Agencia Estatal de Investigación/ ref. CSO2016-76014-R
Entidade financiadora: FEDER/Ministerio de Ciencia, Innovación y Universidades – Agencia Estatal de Investigación/ ref. CSO2016-76014-RData de inicio: 30/12/2016Data de fin: 30/12/2019I.P.: Margarita Ledo Andión y Enrique Castelló MayoInvestigadores participantes: Margarita Ledo Andión Marta Pérez Pereiro Andrés Fraga Pérez José Luis Castro de Paz Enrique Castelló Mayo Antía López Gómez Fernando Redondo Neira , Xose Henrique Monteagudo Romero (USC), Carlos Pío del Oro Sáez (USC), Silvia Roca Baamonde (USC), Miren Manias Muñoz (UPV), Pablo Romero Fresco (Uvigo), María Soliña Barreiro González (ESUPT-UPF), Francisco Javier Azpillaga Goenaga (UPV-EHU), María José Deogracias (UPV-EHU), Beatriz Zabalondo Loidi (UPV-EHU), Judith Clares Gavilán (UOC), Jaques Guyot (Universitè Paris 8), Steve Blandford (University of South Wales), Ruth McElroy (University of South Wales), Pietari Kääpa (University of Stirling) Entidades participantes: Universidade de Santiago de Compostela, Universidade de Vigo, Euskal Herriko Unibertsitatea, Escola Universitária Politécnica Mataró-UPF, Universitat Oberta de Catalunya, Universitè Paris 8, University of South Wales, University of Stirling
Xeorreferenciamos a situación do subtitulado europeo en linguas non hexemónicas a través dunha cartografía comparativa de políticas públicas e prácticas sectoriais, da taxonomización das principais barreiras e/ou motivaciónz na accesibilidade ao cine VOS, da singularización de aquelas experiencias máis innovadoras a nivel tecnolóxico ou creativo que, atendendo á calidade dos subtítulos e á súa integración na obra cinematográfica, permitan usufructuar as apropiacións ao deseño universal aplicado á accesibilidade mediática, ao subtitulado parcial de O’Sullivan e ao subtitulado creativo.
Seguir lendo
EUVOS. Patrimonio Cultural Inmaterial. Para un Programa Europeo de Subtitulado en Linguas Non Hexemónicas
© 2022 Estudos Audiovisuais