En marcha a IV Edición dos Premios María Luz Morales
O prazo para a presentación de traballos vence o 3 de maio
Avivar o interese polos estudos sobre cinematografía e audiovisual, favorecer a súa difusión, e alentar a creatividade e a independencia investigadora son os obxectivos dos Premios María Luz Morales, convocados anualmente pola Academia Galega do Audiovisual e que en 2020 celebran a súa cuarta edición.
A convocatoria presenta dúas categorías –ensaio audiovisual e escrito– e dúas modalidades – audiovisual galego e audiovisual internacional– das que resultarán catro premios de 1.200 euros.
As propostas teñen que ser enviadas a través do enderezo inscricions@academiagalegadoaudiovisual.gal, até o 3 de maio.
Na pasada edició, a Academia destacou os traballos de Sara Varela, que recibiu o premio ao Mellor Videoensaio do Audiovisual Galego con B Positivos; Eire García, premio ao mellor Videoensaio do Audiovisual Internacional con Propaganda de guerra; Pepe Coira, premio ao mellor Ensaio Escrito Audiovisual Galego con Argumentos de películas; e Xurxo González, premio ao mellor Ensaio Escrito Audiovisual Internacional con O palco dum povo: Oliveira 2.0. Ademais, o xurado quixo recoñecer tamén o traballo de Irene Basanta, Denisse Lozano, Sara Donoso e Antón Varela con catro accésit.
María Luz Morales (A Coruña, 1889 – Barcelona 1980). Escritora e xornalista, especializada na crítica de cine e de teatro, dirixiu o xornal La Vanguardia durante a Guerra Civil, sendo a primeira muller na historia de España en ser directora dun diario estatal. Foi activista feminista, republicana e galeguista represaliada polo franquismo, e autora dunha extensa obra literaria. Considerada unha referencia da incorporación da muller a actividade xornalística e intelectual na España do século XX, mantivo a actividade xornalística ata os 91 anos de idade.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]