CV no portal da investigación USC

Cibrán Tenreiro é profesor axudante doutor na Facultade de Ciencias da Comunicación da USC. Doutor pola mesma universidade, é tamén Máster en Estudos de Cinema e Audiovisual Contemporáneo pola Universitat Pompeu Fabra e ten unha especialización en Documentalista audiovisual e Film researcher pola Universitat Oberta de Catalunya. O seu traballo como investigador examina os usos creativos das ferramentas de baixo orzamento, as relacións entre música e cinema ou a produción creativa das comunidades de fans e escenas, ademais de diferentes liñas relacionadas co cinema galego, como o uso de material de arquivo ou o papel da crítica. O seu texto “Equilibrios precarios. Unha aproximación aos vídeos dunha escena underground galega” recibiu o Premio María Luz Morales de ensaio escrito sobre audiovisual galego. Fóra da academia, ten traballado como xornalista cultural en medios como a Radio Galega ou VINTE e no equipo de comunicación de festivais como Curtocircuíto ou o Carballo Interplay, e participa en proxectos como o Cineclube de Compostela.