Nada na Coruña e apaixonada do cinema e do mar. Licenciada en Comunicación Audiovisual entre a Universidade de Vigo e a Universitat Pompeu Fabra, Mestrado en Comunicación e Industrias Creativas pola Universidade de Santiago de Compostela e Mestrado en Montaxe Cinematográfico pola Escola de Cinematografía e Audiovisuais de Catalunya. Actualmente, contratada predoutoral na USC onde está a desenvolver a tese O Triplo Corte: como despedazar o corpo na pantalla.

Como comunicadora da ciencia, desenvolveu tarefas como Técnica de Comunicación e Divulgación Científica no CITEEC (Centro de Innovación Tecnolóxica en Edificación e Enxeñaría Civil da Universidade da Coruña), coa UDC colaborou do proxecto europeo G-Night (Galician Night of Researchers), tamén, durante dous anos traballou como Comunicadora de Investigación e Desenvolvemento no CACTUS (Centro de Apoio á Ciencia e á Tecnoloxía da USC).

Como realizadora, a día de hoxe distribuíndo a curtametraxe Cafeína (codirección, guión e coedición), seleccionada en múltiples festivais e gañadora de 6 premios a nivel internacional.