Graduada en Comunicación Audiovisual pola Universidade de Santiago de Compostela (USC) e Mestrado en Ciencias Sociais con especialización en Estudos Europeos e enfoque na integración europea pola Universidade de Aalborg, Dinamarca. Actualmente, investigadora predoutoral asociada ao proxecto LEXCAV e cursando estudos de doutoramento no programa de Comunicación e Información Contemporánea do Departamento de Ciencias da Comunicación da USC. A súa liña de investigación céntrase no impacto da lexislación europea na diversidade lingüística, cunha análise comparativa da transposición da Directiva (UE) 2018/1808 en España, Dinamarca e Irlanda.