Arranca en Grenoble o coloquio internacional ‘Cando as mulleres filman’
As investigadoras Margarita Ledo e María Soliña Barreiro participan no encontro.
Do 2 ao 5 de outubro as Universidades de Grenoble-Alpes e Lyon acollen o coloquio internacional “Cando as mulleres filman: o documental na península ibérica e no continente latinoamericano”. Este encontro interuniversitario ten como obxecto o estudo da produción documental realizada por mulleres dos países da península ibérica ou do continente latinoamericano. A súa finalidade é repensar, nunha perspectiva transdisciplinaria, os marcos epistemolóxicos da análise da imaxe documental. O coloquio indagará polas diversas maneiras en que os documentais, que son asignados á dobre marxinalidade do documental e da condición das mulleres, operan como operacións de intelixibilidade do mundo.
Nel participan dúas investigadoras do GEA, Margarita Ledo Andión e María Soliña Barreiro González. Ledo intervén o mércores día 2 de outubro en Grenoble, nunha mesa redonda con proxeccións que comparte con Sonia Kerfa, Catarina Mourão (Associação pelo Documentário Português) e Mariano Lisa (Colectivo de Cine de Clase). O venres 4 de outubro, a catedrática de Comunicación Audiovisual e coordinadora do GEA ofrece tamén a conferencia ‘ O corpo e a cámara’ na Université Lumière Lyon 2. Tamén o venres, a docente e investigadora María Soliña Barreiro participa no panel ‘Corpo, Muller e Resistencia no documental contemporáneo español’, coa ponencia ‘Corpos de traballadoras, da dor e ausencia’, en coautoría con Fraj Herranz.
Consulta o programa completo.
Ciclo sobre a fotografía e a construción da realidade no Museo Etnolóxico de Ribadavia. Neste ciclo, que está vinculado á exposición Mentindo con mestría. Montaxes fotográficas de Agusto Pacheco (1948-1973), o tema principal será a fotomontaxe falando de diferentes artistas, técnicas e expresións. Na sexta feira, 3 de santos ás 8 da tarde, comezamos con: […]
O programa Faíscas Culturais é unha iniciativa da Vicerreitoría de Estudantes e Cultura que ten como obxectivo prender a reflexión cultural nas aulas da USC e complementar a formación do estudantado a través de intervencións e actividades de carácter cultural Un rastro de furia e algas. Reflexións sobre o futuro do planeta Terra é un programa […]
Mentres os medios de comunicación internacionais, líderes mundiais e as principais plataformas de redes sociais participan na censura e distorsión da narrativa, ao mesmo tempo que perpetúan a deshumanización dos palestinos e o seu sufrimento constante, estendemos as nosas plataformas en apoio ao Festival “Días do Cinema Palestino”, que foi cancelado pola forza. No sombrío […]
Entidade financiadora: FEDER/Ministerio de Ciencia, Innovación y Universidades – Agencia Estatal de Investigación/ ref. CSO2016-76014-RData de inicio: 30/12/2016Data de fin: 30/12/2019I.P.: Margarita Ledo Andión y Enrique Castelló MayoInvestigadores participantes: Margarita Ledo Andión Marta Pérez Pereiro Andrés Fraga Pérez José Luis Castro de Paz Enrique Castelló Mayo Antía López Gómez Fernando Redondo Neira , Xose Henrique Monteagudo Romero (USC), Carlos Pío del Oro Sáez (USC), Silvia Roca Baamonde (USC), Miren Manias Muñoz (UPV), Pablo Romero Fresco (Uvigo), María Soliña Barreiro González (ESUPT-UPF), Francisco Javier Azpillaga Goenaga (UPV-EHU), María José Deogracias (UPV-EHU), Beatriz Zabalondo Loidi (UPV-EHU), Judith Clares Gavilán (UOC), Jaques Guyot (Universitè Paris 8), Steve Blandford (University of South Wales), Ruth McElroy (University of South Wales), Pietari Kääpa (University of Stirling) Entidades participantes: Universidade de Santiago de Compostela, Universidade de Vigo, Euskal Herriko Unibertsitatea, Escola Universitária Politécnica Mataró-UPF, Universitat Oberta de Catalunya, Universitè Paris 8, University of South Wales, University of Stirling
