Regresa en novembro CO(M)XÉNERO. Seminario Permanente de Comunicación e Xénero da USC para, nesta ocasión, dar voz ás mulleres que fan dos videoxogos a súa paixón e a súa profesión. Pioneiras galegas, docentes, investigadoras, programadoras, artistas e tamén divulgadoras estarán os días 18 e 19 de novembro na Facultade de Ciencias da Comunicación para falar das súas experiencias e repensar as formas nas que o sexismo persiste no sector.
A asistencia ás xornadas é de balde previa inscrición na web do Grupo de Estudos Audiovisuais, organizador do seminario en conxunto coa Oficina de Igualdade de Xénero da universidade. O prazo remata este venres 15 de novembro.
Participan como relatoras neste terceiro CO(M)XÉNERO Nieves R. Brisaboa, catedrática de Linguaxes e Sistemas Informáticos da Universidade da Coruña e Premio Nacional de Informática 2019; e Dhaunae De Vir, desenvolvedora de negocio transmedia en Paradox Interactive, empresa responsable de éxitos como o Europa Universalis, o Crusader Kings ou os populares xogos de vampiros e lobishomes ambientados no World of Darkness (Mundo das Tebras). Xunto a elas compartirán vivencias María Fernández Hermida, creadora e iluminadora de escenarios virtuais para videoxogos e embaixadora da asociación internacional Women in Games; e Marina Amores, comunicadora audiovisual especializada en videoxogos e xénero e coordinadora de Protesto! (AnaitGames, 2018) o primeiro libro en castelán que aborda os videoxogos cunha perspectiva feminista.
No seminario haberá tamén sesións de proxeccións e debate ao redor de pezas audiovisuais que pescudan as formas nas que o sexismo se manifesta dentro e fóra dos xogos amais de obradoiros cos que desbotar estereotipos e aprender a facer videoxogos para todas e para todos. Luz Castro Pena, profesora especializada en creación dixital da Universidade da Coruña e co-fundadora de imaxin|software; Beatriz Legerén Lago, docente especializada en deseño e creación de videoxogos na Universidade de Vigo e Olaia Ferrando, investigadora, deseñadora UI/UX e ilustradora, serán as encargadas de impartilos.
Acó xogamos todas
Os eSports ou deportes electrónicos serán os protagonistas o martes 19 de novembro na última xornada do CO(M)XÉNERO. Xogadoras galegas reunidas especialmente para a ocasión medirán as súas forzas con outro equipo competitivo español nun pequeno torneo de exhibición de Overwatch que se celebrará no Auditorio da Facultade.
Será ademais a primeira partida de eSports retransmitida e narrada en lingua galega. Os comentaristas —ou «caster», como se lles chama na contorna dos eSports— serán Javier Martínez Vidal, máis coñecido como «Gamer Vidal», e Minia «Samku» Monteagudo, ambos integrantes de Titan Media, empresa responsable directa da retransmisión das competicións de Overwatch en español.
Premio á introdución da perspectiva de xénero na USC
Coordinado pola directora do Grupo de Estudos Audiovisuais, a catedrática Margarita Ledo Andión, e a docente e investigadora da USC, Marta Pérez Pereiro, o CO(M)XÉNERO está dirixido a estudantes de comunicación, investigadoras e investigadores en formación, profesionais e, en xeral, a todas as persoas interesadas en abordar os medios e as industrias culturais e creativas dende unha lectura crítica. Pola súa relevancia como acción docente innovadora, o CO(M)XÉNERO foi distinguido este ano nos X Premios á Introdución da Perspectiva de Xénero da USC.
Esta terceira edición do seminario está financiada con fondos do Pacto de Estado contra a Violencia de Xénero (Ministerio da Presidencia, Relacións coas Cortes e Igualdade) e da Xunta de Galicia a través da convocatoria 2017 de axudas para a consolidación e estruturación de unidades de investigación competitivas, da que é beneficiario o GEA.
Cycle on photography and the construction of reality at the Ethnological Museum of Ribadavia. In this cycle, which is linked to the exhibition Lying with mastery. Photographic montages by Agusto Pacheco (1948-1973), the main theme will be photomontage, drawing on different artists, techniques and expressions. On Friday 3 November, at 8 p.m., we begin with: […]
The Faíscas Culturais programme is an initiative of the Vice-Rector’s Office for Students and Culture that aims to ignite cultural reflection in the classrooms of the USC and complement the training of students through interventions and activities of a cultural nature. A trail of fury and algae. Reflections on the future of planet Earth is […]
As international media, world leaders and major social media platforms engage in censorship and distortion of the narrative, while perpetuating the dehumanisation of Palestinians and their continued suffering, we extend our platforms in support of the forcibly cancelled Palestinian Film Days Festival. On the darkest anniversary of the Balfour Declaration, signed on 2 November, and […]
Start Date: 12/11/2018End Date: 15/11/2023I.P.: Margarita Ledo AndiónParticipating Researchers: María Soliña Barreiro