A fin de semana non só estivo marcada polo éxito de Óliver Laxe no Cannes francés, co Premio do Xurado para O que arde. O noso Cans, o do Porriño, tamén desvelou o sábado pasado o seu palmarés. A 16ª edición premiou a curtametraxe The Widow, de Noelia Muíño, como mellor guión, mellor realización e mellor dirección de fotografía para Asia Khmelova. Limbo, de Dani Viqueira, foi recoñecida como mellor curtametraxe de imaxe real e mellor banda sonora orixinal para Germán Díaz.
Na categoría de animación, a peza escollida foi Soy una tumba, de Khris Cembe, cunha mención especial do xurado para Homomaquia, de David Fidalgo Omil. Devalar, de Mar García, fíxose co premio á mellor curtametraxe de FuraCans, e Caerán lóstregos do ceo, de Adrián Canoura, obtivo unha mención especial do xurado da categoría de non ficción. En canto á interpretación, as galardoadas foron Marta Nieto, por De repente, la noche, e Jaime Olías, por O que medra por dentro.
O palmarés do festival complétase co premio do público, neste caso outorgado pola veciñanza de Cans a O que precede á caída é branco (Aldara Pagán) como mellor curtametraxe de imaxe real, cunha mención especial para De repente la noche (Cristina Bodelón e Ignacio de Vicente), e a O neno bonito (Fran X. Rodríguez) como Mellor curtametraxe de ficción.
Alén das curtametraxes da sección oficial, o Festival de Cans proxectou filmes fóra de competición, acollendo por exemplo a estrea do Eroski Paraíso de Jorge Coira e Xesús Ron, adaptación da obra de teatro homónima de Chévere. Ademais, deixou unha recua de actividades variadas e dirixidas a diferentes públicos: coloquios de profesionais do audiovisual, concertos, obradoiros arredor do cinema para crianzas… O docente e realizador Pablo Romero-Fresco, membro do GEA, impartiu unha masterclass sobre subtitulado e accesibilidade na que se analizou a importancia das lendas para os públicos con dificultades de visión e audición, así como a oportunidade de proxección das linguas minorizadas a partir dun subtitulado correcto, tema que enlaza co noso proxecto EUVOS: Patrimonio Cultural Inmaterial. Para un Programa Europeo de Subtitulado en Linguas Non Hexemónicas.
O 1º Encontro de Fotografía Documental Contemporánea Galega está organizado dende o Grupo de Estudos Audiovisuais e agrupa unha lista de actividades que teñen como cometido achegar fotografía documental galega, da man dunha extensa lista de profesionais, ao eido universitario. Compónse á súa vez de diferentes actividades dende os meses de abril ata xullo: EXPOSICIÓN […]
Santiago de Compostela, 10 de maio de 2023.- Representantes do sector audiovisual valoraron esta mañá en rolda de prensa a aprobación, por parte do parlamento europeo, do relatorio para a aplicación da Directiva audiovisual, salientando a inclusión dunha emenda elaborada polas entidades agrupadas na Iniciativa polo galego no audiovisual do que asistiron en representación: Margarita […]
O relatorio do Parlamento europeo sobre a trasposición da directiva europea do audiovisual ven de aprobar dúas emendas sobre as que o GEA ten traballado en conxunto coa Iniciativa Galega polo Audiovisual. Mañá, mércores 10 de maio, ás 11h na aula 5 da Faculdade de Ciencias da Comunicación de Santiago desenvolverase unha rolda de prensa […]