Actualidade
Novas e Axenda Bota un ollo á actividade do GEA

O GEA participa no IAMCR Madrid 2019

A conferencia do grupo presenta unha análise das políticas audiovisuais da UE materia de subtitulado

07/06/2019

O congreso da International Association of Media and Communication Research (IAMCR) terá lugar entre os días 7 e 11 de xullo de 2019 na Facultade de Ciencias da Información da UCM. O tema desta edición será Comunicación, Tecnoloxía e Dignidade Humana, procurando xerar un debate transversal ao longo do congreso, que permita explorar o tema desde diferentes perspectivas que interaccionen entre si.

O Grupo de Estudos Audiovisuais participa coa conferencia “Critical analysis of communication policies in the European Union: the incidence of audiovisual subtitling in the protection and promotion of minority languages”, o día 10 de xullo. Este traballo de Enrique Castelló Mayo, Margarita Ledo Andión, Antía López Gómez e Silvia Roca Baamonde está vinculado ao proxecto “EUVOS. Patrimonio Cultural Inmaterial. Para un Programa Europeo de Subtitulado en Linguas Non Hexemónicas”.

Comunicación, Tecnoloxías e Dignidade humana

O congreso da IAMCR Madrid 2019 proponse analizar o impacto das últimas tecnoloxías da comunicación na sociedade, a cultura e nos dereitos humanos, facendo especial fincapé na calidade e autenticidade das fontes e mensaxes ante o auxe da mecanización e a intelixencia artificial. Esta problemática xeral exponse no marco dos avances na tecnoloxía e o seu impacto na calidade da vida humana, a influencia das tecnoloxías da comunicación na obxectividade dos feitos, e en como se ve afectado o contexto xeopolítico e socioeconomico polos cambios na estrutura e as formas máis recentes que adoptan os procesos de comunicación.

As tendencias e escenarios descritos formulan preguntas urxentes sobre os dereitos individuais e sociais. Como pode a comunicación seguir sendo humana a pesar do entorno cada vez máis tecnolóxico dos medios e o turbulento sistema xeopolítico? Como podemos definir e reflexionar sobre as nosas identidades persoais e sociais nun momento no que as tecnoloxías emerxentes e outros factores están desafiando a noción establecida de “pertenza a unha nación”?

Tendo en conta o papel central da comunicación na organización da vida económica, política e social contemporánea, os medios dixitais están producindo profundos cambios estruturais, que se atopan no núcleo dos conflitos actuais entre as tecnoloxías e os territorios (o global e o local). Os medios dixitais estanse convertindo no espazo cultural e social no que se libran os debates pola liberdade de expresión e por outros dereitos en discusión. En paralelo, medran as tensións pola propiedade e o control dos datos dixitais persoais, a circulación de noticias “falsas” (fake news), as interferencias en campañas políticas coas implicacións da robótica.

Estamos pois, ante claros desafíos para a calidade da comunicación, da vida e a dignidade humana.

+info.

MÁIS NOVAS
O xornalista Alfonso Alonso investiga xunto ao GEA as potencialidades de TikTok no panorama de medios estatais
O estudante remata a súa etapa como investigador grazas ao programa de axudas á investigación promovido pola USC e o Banco Santander
14/12/2021

Alfonso Alonso, xornalista especializado en Novas Tendencias en Produción, Xestión e Difusión de contidos, vén de rematar un proxecto de investigación sobre a importancia de TikTok como plataforma de difusión de contidos xornalísticos e de marketing en España no marco do Grupo de Estudos Audiovisuais. Entre os resultados das súas pescudas, destaca a crecente incorporación […]

Seguir lendo
Xa está dispoñible o monográfico da revista Quaderns del CAC adicado ao cinema, ficción audiovisual e diversidade lingüística
Investigadorxs do GEA participan con varios traballos
11/11/2021

Ven de saír publicado o número 47 da revista Quaderns del CAC, editada por el Consell de l’Audiovisual de Catalunya, e na que se oferta un monográfico sobre Cinema, ficción audivisual e diversidade lingüística, unha temática directamente relacionada coas liñas de traballo que ven desenvolvendo o Grupo de Estudos Audiovisuais (GEA) nos seus últimos proxectos […]

Seguir lendo
O CO(M)XÉNERO 5 reflexiona sobre a violencia sufrida polas mulleres e as súas prácticas de resistencia
A quinta edición do Seminario Permanente de Comunicación e Xénero decorrerá nos días 10 e 11 de novembro na Facultade de Ciencias da Comunicación
09/11/2021

A Facultade de Ciencias da Comunicación da Universidade de Santiago (USC) acolle, nos días 10 e 11 de novembro, o Seminario Permanente de Comunicación e Xénero CO(M)XÉNERO que, na súa quinta edición “Recuperar a fala, recuperar a alma”, pon o foco na violencia sufrida por mulleres e nas diversas prácticas de resistencia e autodefensa artelladas […]

Seguir lendo
© 2022 Estudos Audiovisuais