Ábrense as inscricións para a residencia “Plano Frontal”
O MDOC promove unha iniciativa arredor do documental para novas creadoras audiovisuais
Do 26 de xullo ao 4 de agosto de 2019 transcorrerá en Melgaço PLANO FRONTAL_Residência Cinematográfica, vinculada ao MDOC – Festival Internacional de Documentário de Melgaço.
O obxectivo do proxecto é contribuír a crear un arquivo audiovisual sobre o patrimonio imaterial de Melgaço, dotar o Espaço Memória e Fronteira de obras audiovisuais que aborden a historia da rexión, promover o filme documental e a emerxencia de novos equipos técnicos e artísticos.
Catro equipos formados cada un por unha realizadora, unha operadora de cámara e unha de son, realizarán, durante unha semana, catro documentais sobre temas locais que lles serán propostos.
PLANO FRONTAL ten como destinatario alumnado de últimos cursos en Escolas do Ensino Superior de Cinema e de Audiovisuais, ou que teña concluído recentemente a súa formación. As participantes serán seleccionadas mediante a análise das candidaturas presentadas, e contarán logo coa orientación de Pedro Sena Nunes, realizador/tutor con longa experiencia profesional e pedagóxica.
A participación é gratuíta. A organização garantirá o aloxamento e alimentación durante a duración da residencia ás doce candidatas escollidas, proporcionando tamén apoio loxístico para o transporte aos lugares de rodaxe.
As inscricións estarán abertas até o 21 de xuño.
O vindeiro día 4 de febreiro, terza feira, ás 11h proxectárase no auditorio da Facultade de Ciencias de Comunicación da Universidade de Santiago o filme Morlaix. Posteriormente haberá un coloquio ao que asistirán o director da fita, Jaime Rosales, o Catedrático de Comunicación Audiovisual e Publicidade José Luis Castro de Paz e estudantes da facultade. […]
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo […]
A auto-biografía política, dar a ver a súa construción, a marca do dispositivo, o real como material que “debe ser ficcionado para ser pensado (Rancière) é un dos sinais e tamén os arquivos re-significados polas escrituras do “eu”, polo corpo, polos seus ecos, pola actuación… son entradas polas que accedemos ao interior do labirinto a […]