Actualidade
Novas e Axenda Bota un ollo á actividade do GEA

O GEA participa na rolda de prensa da Iniciativa polo galego no audiovisual sobre o relatorio para a aplicación da Directiva audiovisual no Parlamento Europeo

O sector audiovisual académico e profesional valora como un éxito inclusión dunha emenda elaborada polas entidades agrupadas na Iniciativa polo galego no audiovisual

10/05/2023

Santiago de Compostela, 10 de maio de 2023.- Representantes do sector audiovisual valoraron esta mañá en rolda de prensa a aprobación, por parte do parlamento europeo, do relatorio para a aplicación da Directiva audiovisual, salientando a inclusión dunha emenda elaborada polas entidades agrupadas na Iniciativa polo galego no audiovisual do que  asistiron en representación: Margarita Ledo Andión e Mª Soliña Barreiro do Grupo de Estudos Audiovisuais da USC, Marcos Maceira de A Mesa pola Normalización Lingüística, Andrés Bellas de APRADOGA, Uxía Caride da AGAPI e  Iria Taibo da AGPTI. Por videoconferencia, interviron os eurodeputados François Alfonsi (copresidente do intergrupo de linguas do PE) e Ana Miranda (deputada do BNG).

Margarita Ledo Andión deu paso ás diferentes intervencións na rolda. Mª Soliña Barreiro recordou que o Grupo de Estudos Audiovisuais da USC leva máis de dez anos con tres proxectos de investigación vencellados con esta cuestión, como son Cine, diversidade e redes (2010-2012), eDCINEMA: Cara o Espazo Dixital Europeo (2013-2015) e EUVOS. Patrimonio Cultural Inmaterial. Tamén, defendeu que o traballo desenvolvido polo grupo converxe con outros operadores co fin de mellorar a lei audiovisual.

Pola súa banda, Uxía Caride, presidenta de AGAPI, salientou que se deu un paso adiante en traballo conxunto por parte do sector profesional mais que hai que seguir mellorando o marco de acción mediante maior protección para os cinemas propios dende a produtoras independentes como garantes da liberdade lingüística. Engadiu que a internacionalización do noso cinema está pasar por un bo momento e que isto é un inicio do camiño.

A seguinte intervención, correu a cargo de Marcos Maceira presidente de A Mesa pola Normalización Lingüística. Quen quixo parabenizar á sociedade galega e aos grupos polo traballo desenvolvido. Recalcou que ter acceso ao contido audiovisual en galego é un dereito que facilita a diversidade lingüística en Europa. Así como que o estado español incumpre a directiva europea na porcentaxe e cotas de emisión en linguas cooficiais.

Dende Estrasburgo, a eurodeputada do BNG, Ana Miranda, recalcou a aposta en común do intergrupo de linguas do PE coas emendas trasladadas á eurocámara, en particular a 16 e a 17 que xorden da Iniciativa polo galego no audiovisual. Isto beneficia a difusión de obras de todo tipo de linguas minorizadas, minoritarias ou rexionais de Europa e a representación da diversidade cultural dos territorios europeos.

De seguido, François Alfonsi, copresidente do intergrupo de linguas do PE, parabenizou ao grupo de traballo pola inclusión das linguas históricas e pola importancia neste caso da lingua galega. Andrés Bellas de APRADOGA, lembrou que o vindeiro mes se fixeron 40 anos da lei de normalización lingüística de Galicia e que esta vitoria é unha porta que se abre para loitar polo que nos interesa.

Despediu a rolda Margarita Ledo, afirmando que os dereitos de base que o propio relatorio insta a por en práctica no estado español, así como respaldar os acordos coas asociacións audiovisuais académicas e profesionais do patrimonio inmaterial e citando o libro publicado tras das xornadas organizadas dende o GEA: “Perante a nova Lei do Audiovisual: análise e perspectivas”, coordinado por Mª Soliña Barreiro e con artigos de: Margarita Ledo Andión e Antía López do GEA, Ramón Zallo da Universidad del País Vasco, Marcos Maceira de A Mesa pola Normalización Lingüística, Francesc Marco de Plataforma per la Llengua, Paul Bilbao de Euskalgintzaren Kontseilua, Uxía Caride de Agapi e Samuel Solleiro da Asociación Galega de Profesionais da Tradución e da Interpretación.

MÁIS NOVAS
Call for papers para a 13ª conferência internacional de cinema de Viana ata o 1 de marzo
A conferencia terá lugar na Escola Superior de Educação de Viana do Castelo.
22/02/2024

A XIII Viana International Film Conference é un espazo de reflexión e intercambio de experiencias destinado a construír unha comunidade internacional de intereses e dar a coñecer proxectos relacionados cos temas centrais do cinema e o audiovisual: cinema e escola, cinema: arte, ciencia e cultura e fotografía e memoria. A 13ª edición terá lugar en […]

Seguir lendo
Enrique Castelló participa no podcast “La tribu hereje”
O coordinador do GEA reflexionou sobre inclusión e brecha digital
16/01/2024

Enrique Castelló, profesor de Ciencias da Comunicación da USC e coordinador do Grupo de Estudos Audiovisuais, presentou un escenario desmitificador de infundados estigmas, que campan en torno á dixitalización e ás tecnoloxías emerxentes, á inclusión e á brecha dixital no capítulo 4 de La tribu hereje. Un podcast contra o idadismo que se basea na […]

Seguir lendo
Presentación do libro “Angueiras de Sal: novas olladas á costa galega”
Terá lugar na Casa do Taberneiro o vindeiro 22 de decembro ás 17.00 h
15/12/2023

Novas olladas á costa galega conformouse como peche do 1ª Encontro de Fotografía Documental Contemporánea Galega títulado Fx: Ollos para ver. O proxecto, impulsado polo Grupo de Estudos Audiovisuais da Universidade de Santiago de Compostela xunto co colectivo fotográfico Ollo, rematou coa realización dun curso de fotografía documental no Concello de Porto do Son durante […]

Seguir lendo
© 2024 Estudos Audiovisuais