Actualidade
Novas e Axenda Bota un ollo á actividade do GEA

Nova publicación sobre a circulación de documentais en linguas minorizadas

Found in Translation: Film Festivals, Documentary and the Preservation of Linguistic Diversity

08/07/2020

A editorial Palgrave Macmillan vén de publicar un novo volume que se achega ao circuíto internacional de festivais de cinema documental para analizar o seu desenvolvemento e  a súa repercusión na visibilidade, distribución e accesibilidade dos filmes e para explorar metodoloxías coas que realizar investigación nesta contorna. Editado por Aida Vallejo (UPV/EHU) e Ezra Winton (Lakehead University, Canadá), o libro Documentary Film Festivals Vol. 1 Methods, History, Politics, reúne diversas achegas de investigadoras e investigadores procedentes de diferentes centros e disciplinas e entre as que se atopan varias integrantes e colaboradoras do GEA.

No capítulo, Found in Translation: Film Festivals, Documentary and the Preservation of Linguistic Diversity, Antía López Gómez, Aida Vallejo, Mª Soliña Barreiro e Amanda Paz Alencar aproxímanse ao xénero documental como escenario dende o que enriquecer a investigación sobre cinema en linguas minorizadas. As autoras sosteñen que, en oposición á imposición artificial de prácticas de dobraxe que moitas veces se dá no ámbito da ficción, as películas documentais favorecen as prácticas de subtitulación, proporcionando medios para experimentar a diversidade cultural e contextos multilingües dun xeito natural, e especialmente no contexto dos festivais, onde o subtitulado é a norma.

Baseado nun estudo das políticas institucionais enarboradas pola Unión Europea para fomentar e preservar a diversidade lingüística na contorna audiovisual e ao abeiro do proxecto «Cara o Espazo Dixital Europeo. O papel das pequenas cinematografías en versión orixinal” (MINECO, CSO2012-35784),  o capítulo analiza festivais de cine especializados en cine documental e/ ou linguas minoritarias para interrogar o seu papel na visibilidade e circulación dos filmes en linguas non hexemónicas.

MÁIS NOVAS
Call for papers para a 13ª conferência internacional de cinema de Viana ata o 1 de marzo
A conferencia terá lugar na Escola Superior de Educação de Viana do Castelo.
22/02/2024

A XIII Viana International Film Conference é un espazo de reflexión e intercambio de experiencias destinado a construír unha comunidade internacional de intereses e dar a coñecer proxectos relacionados cos temas centrais do cinema e o audiovisual: cinema e escola, cinema: arte, ciencia e cultura e fotografía e memoria. A 13ª edición terá lugar en […]

Seguir lendo
Enrique Castelló participa no podcast “La tribu hereje”
O coordinador do GEA reflexionou sobre inclusión e brecha digital
16/01/2024

Enrique Castelló, profesor de Ciencias da Comunicación da USC e coordinador do Grupo de Estudos Audiovisuais, presentou un escenario desmitificador de infundados estigmas, que campan en torno á dixitalización e ás tecnoloxías emerxentes, á inclusión e á brecha dixital no capítulo 4 de La tribu hereje. Un podcast contra o idadismo que se basea na […]

Seguir lendo
Presentación do libro “Angueiras de Sal: novas olladas á costa galega”
Terá lugar na Casa do Taberneiro o vindeiro 22 de decembro ás 17.00 h
15/12/2023

Novas olladas á costa galega conformouse como peche do 1ª Encontro de Fotografía Documental Contemporánea Galega títulado Fx: Ollos para ver. O proxecto, impulsado polo Grupo de Estudos Audiovisuais da Universidade de Santiago de Compostela xunto co colectivo fotográfico Ollo, rematou coa realización dun curso de fotografía documental no Concello de Porto do Son durante […]

Seguir lendo
© 2024 Estudos Audiovisuais