Novas datas para o Congreso Internacional ECREA 2021
A conferencia celebrarase do 6 ao 9 de setembro en Braga
A European Communication Research and Education Association (ECREA) vén de aprobar as novas datas para a 8ª Conferencia Europea de Comunicación que, finalmente, terá lugar en Braga do 6 ao 9 de setembro de 2021. Programado inicialmente do 2 ao 5 de outubro de 2020, este encontro internacional de investigación tivo que ser aprazado para dar cumprimento ás medidas de prevención adoptadas por diferentes países europeos a consecuencia da pandemia.
A nova planificación respectará todo o traballo de organización que xa tiña sido avanzado na creación do programa científico da conferencia. O proceso de revisión de propostas concluíu e as comunicacións e paneis aceptados para a edición de 2020 serán presentadas neste novo calendario. A fin de comezar coa estruturación do programa, a organización do evento procederá nos próximos días a contactar coas autoras e autores para confirmar a presentación dos seus traballos.
A Oficina de Igualdade de Xénero da USC outorga ao Grupo de Estudos Audiovisuais a Mención Honorífica en recoñecemento a unha consolidada traxectoria de investigación e actividades formativas con perpectiva de xénero. Entre as iniciativas e accións promovidas polo GEA e valoradas para a concesión desta mención, a Universidade pon énfase no desenvolvemento do CO(M)XÉNERO-Seminario […]
A Asociación Española de Investigación de la Comunicación (AE-IC) acaba de publicar en aberto o libro de homenaxes da última edición do seu congreso internacional, que recoñeceu a traxectoria de Margarita Ledo Andión, Néstor García Canclini e Ramón Zallo. O volume inclúe as laudatorias que lles dedicaron Emili Prado, Miquel de Moragas e Mª Trinidad […]
A Cátedra Juan Antonio Ramírez do Museo Reina Sofía convida á investigadora, cineasta, poeta e escritora Margarita Ledo Andión ao seu programa de conferencias maxistrais. Baixo o título “Exilio. Feminismo. Ensaio fílmico: o corpo como vestixio“, Ledo Andión propón unha reflexión en torno ao corpo como punto de chegada logo de percorrer un fío invisible que […]