Actualidade
Novas e Axenda Bota un ollo á actividade do GEA

A Facultade de Comunicación acolle un grupo focal internacional de análise do potencial da realidade mixta na contorna académica universitaria

A actividade realizouse no marco do proxecto europeo “CloudClass: Low Cost, Mobile, Cloud & Template Based Augmented Reality Studio for Education' que o GEA lidera na USC.

23/02/2024

Dous investigadores do Grupo de Estudos Audiovisuais da USC, Roi Méndez Fernández e Rocío del Pilar Sosa Fernández, guiaron este grupo focal internacional, en coordinación con Jim Playfoot (WhiteLoop) e Kateryna Holubinka (Open Universiteit Nederland), no que participaron unha decena de membros representantes da diversidade da comunidade universitaria da USC: profesorado, persoal técnico e alumnado de programas de doutoramento de disciplinas tan diversas como as ciencias da comunicación, historia, ciencias da educación, psicoloxía, informática e química.

A partir de exemplos de uso nas diferentes universidades que forman parte do partenariado deste proxecto europeo, os participantes discutiron activamente sobre a viabilidade, interese de uso, potencialidades, formatos axeitados e vantaxes pedagóxicas que a tecnoloxía de realidade mixta, empregada nos platós virtuais de televisión, pode aportar ao ámbito educativo universitario.

Esta xornada enmárcase no proxecto `CloudClass: Low Cost, Mobile, Cloud & Template Based Augmented Reality Studio for Education’ (Eureka Eurostars – E115354), que busca a simplificación e perfeccionamento destas tecnoloxías para o seu uso por persoas non expertas, como poden ser docentes e discentes no ámbito universitario.

O consorcio que desenvolve o proxecto conta con seis compoñentes principais: Brainstorm Multimedia, empresa española que desenvolve o software de realidade extendida; Stryme, compañía austríaca encargada de levar a execución do programa á nube para simplificar os requerimentos técnicos do mesmo; WhiteLoop, empresa británica que leva parte da consultoría educativa; Universidade Aberta dos Países Baixos, parte académica encargada de explorar o uso da tecnoloxía en contornas de docencia a distancia; a Universidade de Alicante, na que se realizan probas da versión de escritorio do software e a Universidade de Santiago de Compostela que, facendo uso das instalacións do plató virtual situado na Facultade de Ciencias da Comunicación da USC, transcende os límites tecnocreativos para a creación de contidos educativos nunha contorna profesional.

A xornada finalizou cunha visita dos participantes ás instalacións do novo plató virtual sito na Facultade de Ciencias da Comunicación, que ven de ser renovado e que pronto se conformará como un servizo accesible a toda a comunidade universitaria.

MÁIS NOVAS
Margarita Ledo Andión participa nas xornadas “50 anos do 25 de abril”
A Catedrática emérita do GEA estará presente no coloquio: "O 25 de abril do outro lado do Miño" na Facultade de Filoloxía da USC
12/04/2024

A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]

Seguir lendo
30 aniversario da AGAPI
A segunda xornada terá lugar o mércores 17 de abril na Facultade de Ciencias da Comunicación da USC
12/04/2024

Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]

Seguir lendo
Roi Méndez e Rocío del Pilar Sosa presentan The White Book for teaching through virtual TV sets
A comunicación na Open Universiteit tivo lugar o 8 de marzo.
14/03/2024

A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]

Seguir lendo
INVESTIGACIÓN / MARCO VINCULADO
Visualización avanzada e interacción aplicada a escenarios virtuales
Autor/a: Roi Méndez FernándezDirector/a: Enrique Castelló MayoData de lectura: 18/04/2017
© 2024 Estudos Audiovisuais