Actualidade
Novas e Axenda Bota un ollo á actividade do GEA

Publicado o libro “Poética da derrota: a literatura de Wenceslao Fernández Flórez no cine”, de Héctor Paz Otero

14/12/2015

A Editorial Vía Láctea e a Fundación Wenceslao Fernández Flórez, co apoio da Consellería de Cultura, Educación e Ordenación Universitaria da Xunta de Galicia, acaban de editar o libro de Héctor Paz Otero Poética da derrota: a literatura de Wenceslao Fernádez Flórez no cine.
Trátase dun rigoroso estudo centrado en catro translacións á pantalla de obras de Wenceslao Fernández Flórez que conxuga análise literaria e análise fílmica para detectar os vínculos semánticos e formais entre a literatura do escritor coruñés e o cinema español dos anos corenta. Deste xeito, tras numerosos artigos e participacións en congresos sobre a materia, o especialista e membro do Plan de Traballo do I+D+i Cara a unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España) Héctor Paz Otero, aborda nesta ocasión as películas Huella de luz (Rafael Gil, 1943), La casa de la lluvia (Antonio Román, 1943), Ha entrado un ladrón (Ricardo Gascón, 1949) e El destino se disculpa (José Luis Sáenz de Heredia, 1945), e os seus correspondentes literarios, estando baseadas as tres primeiras películas en novelas homónimas publicadas nos anos vinte e consistindo a cuarta na transposición do relato “El fantasma”. Mediante unha análise comparada das fontes estudadas, o investigador incide no que denomina a conciencia do derrotado para describir aos suxeitos desexantes que protagonizan todos os relatos –fílmicos e literarios–, demostrando, unha vez máis, esa capacidade metafórica e profética da obra fernándezflorezca que en certo xeito presaxiara o trauma colectivo da sociedade posbélica acadando a súa actualidade fílmica a través dalgunhas das adaptacións acometidas nos anos corenta.
Tras a publicación de El malvado Carabel: literatura y cine popular antes y después de la Guerra Civil, Muerte de un ciclista (Juan Antonio Bardem, 1955): una firme mirada opositora e Sonrisas y lágrimas de España: esperpento, humor negro y costumbrismo en el cine español, o presente volume é o cuarto número da colección Cadernos de Cine e Cultura Posbélica Española, e constitúe outro documento imprescindible para comprender a transcendental influencia da obra de Fernández Flórez no devir estético do cinema español.

MÁIS NOVAS
O GEA participa na reunión con Nestor Rego para valorar a situación da Lei do Audiovisual
Profesionais de distintos ámbitos do sector trasladaron as súas posicións ao deputado do BNG
20/06/2022

Este luns 20 de xuño tivo lugar na Facultade de Ciencias da Comunicación da USC un encontro co deputado do BNG, Nestor Rego, para facer un balance do escenario que se formula para o sector coa aprobación da Lei do Audiovisual. Ao encontro asistiron representantes de varias das entidades que forman a Iniciativa polo audiovisual en […]

Seguir lendo
Agapi organiza a xornada “Marco xurídico do sector audiovisual: retos de futuro”
A actividade celebrarase o 1 de xullo no Auditorio 1 do Edificio CINC da Cidade da Cultura
17/06/2022

Agapi (Asociación Galega de Produtoras Independentes) organiza o vindeiro día 1 de xullo unhas xornadas de formación presencial dedicadas a analizar aspectos xurídicos da produción audiovisual. O desenvolvemento da xornada terá lugar no Auditorio 1 do Edificio CINC da Cidade da Cultura de Galicia, en Santiago de Compostela. Baixo o título: Marco xurídico do sector […]

Seguir lendo
A doutoranda do GEA, Sara Calvete, finalista do concurso ‘Three Minute Thesis’ (3MT®)
A final do certame organizado pola EDIUS celebrarase o 27 de xuño na Nave de Vidán
15/06/2022

A USC, a través da súa Escola de Doutoramento Internacional (EDIUS), puxo este ano en marcha a primeira edición do Three Minute Thesis (3MT®), un concurso de comunicación para investigadores e investigadoras de todas as áreas do coñecemento. A doutoranda do GEA, Sara Calvete Lorenzo, é unha das finalistas do certame co vídeo no que […]

Seguir lendo
© 2022 Estudos Audiovisuais