Recentemente foi publicado o libro El malvado Carabel: literatura y cine popular antes y después de la Guerra Civil de José Luis Castro de Paz e Héctor Paz Otero, co que, a partir dun estudo da novela de Wenceslao Fernández Flórez “El malvado Carabel”, os autores efectúan un rigoroso análise das senlleiras adaptacións fílmicas acometidas por Edgar Neville en 1935 e Fernando Fernán-Gómez en 1955, considerándoas como singular ponte entre o mellor cine popular republicano e a crispada resposta ante o horror franquista do cinema máis rebelde dos anos cincuenta.
O volume, publicado por Vía Láctea Editorial, constitúe ademais o comezo da colección Cuadernos de Cine y Cultura Posbélica Española, creada no Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España) co obxecto de dar difusión a gran parte dos estudos abordados no eido do Proxecto.
Ao longo do ano e medio que resta de investigación informaremos acerca da publicación dos sucesivos cadernos da colección.
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]