José Luis Castro de Paz clausurará na UC3M un congreso sobre o cinema e a televisión da Post-Transición
A Universidade Carlos III de Madrid (Campus de Xetafe) acollerá entre o mércores 9 e o venres 11 de decembro o Congreso Internacional El cine y la televisión en la España de la Post-Transición (1979-1992), organizado polo Grupo de Investigación TECMERIN (Televisión y Cine: Memoria, Representación e Industria).
Preto de medio centenar de comunicacións reflexionarán sobre o desenvolvemento do cinema e a televisión durante o proceso de consolidación da democracia en España, nun evento científico no que terá unha destacada presenza o I+D+i Cara a unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España), posto que o congreso será clausurado polo Investigador Principal do Proxecto, José Luis Castro de Paz, coa conferencia Formas de la Post-Transición.
Máis información na páxina web do congreso.
A Asociación Sindical Galega de Guionistas vén de convocar o «I Premio AGAG de Guión en Galego para Longametraxe» cos obxectivos de potenciar a lingua galega no audiovisual, promover ás autoras e autores que escriben en galego e axudar a difundir o traballo das persoas asociadas a AGAG. O premio conta cunha dotación de 2.500 […]
A terceira edición do CO(M)XÉNERO, Seminario Permanente de Comunicación e Xénero decorrerá nos días 18 e 19 de novembro na Facultade de Ciencias da Comunicación, organizado polo Grupo de Estudos Audiovisuais (GEA) e a Oficina de Igualdade de Xénero da USC. Nesta ocasión, as xornadas poñen o foco nos videoxogos, un sector tradicionalmente asociado ao […]
Do 2 ao 5 de outubro as Universidades de Grenoble-Alpes e Lyon acollen o coloquio internacional “Cando as mulleres filman: o documental na península ibérica e no continente latinoamericano”. Este encontro interuniversitario ten como obxecto o estudo da produción documental realizada por mulleres dos países da península ibérica ou do continente latinoamericano. A súa finalidade […]