Norma e autoridade lingüística no galego e no portugués brasileiro

Este artigo propón unha análise comparada do modo de construción da norma e sobre os conflitos propios da constitución da autoridade normativa no galego e no portugués brasileiro. A xustificación para ese tipo de estudo comparado recae no feito de se trataren de “linguas emerxentes”, nun modelo de análise relativista, en situacións diglósicas dentro de contextos socio-históricos moi diferentes, e que teñen entre si unha relación de filiación xenética dentro do grupo lingüístico portugalego. Nese senso, a análise das condicións de produción de norma e os seus conflitos en cada caso, e as ideoloxías lingüísticas implicadas, permite entender as tensións entre unidade e fragmentación dentro do espazo lingüístico identificado coa “lingua portuguesa”.