Actualidade
Novas e Axenda Bota un ollo á actividade do GEA

O novo libro de Margarita Ledo inaugura a colección «+media» da editorial Cátedra

04/02/2020

El cuerpo y la cámara, de Margarita Ledo Andión é un dos títulos escollidos para encetar + media, a nova colección de ensaios breves coa que a editorial Cátedra afonda en cuestións vencelladas á comunicación, a cultura e a política. Baixo a dirección da escritora e profesora da Universidad Carlos III de Madrid, Pilar Carrera, o novo selo inicia andadura cunha tríade de volumes que se completa cos textos Basado en hechos reales Imaginario digital y mitologías mediáticas, da propia  Carrera, e Espacios de intimidad y cultura material, de Fernando Broncano.

El cuerpo y la cámara é unha reflexión sobre a o corpo e ollada feminina para alén das contornas nas que a norma e a tradición teñen tentado encerrala.

“Creo que desde ese momento comecei a pensar, tamén alentada por Barthes, no discurso amoroso entre o corpo e a cámara. Na experiencia de existir como corpo filmado e corpo que filma. E nun senfín de prácticas, de pequenos textos, de autoras-fonte, de situacións e de ausencias que se foron instalando, tamén de maneira lenta e incerta, na miña cabeza. E que me trouxeron até a fraxilidade e o pracer do ensaio que é o pracer do corpo e a fraxilidade dun dispositivo que chamamos cámara. E no modo de pensala. ” (Margarita Ledo Andión)

Os próximos títulos da colección serán ¿Con qué sueñan los nativos digitales? de Iván Bous e  ¿Quo vadis Europa?, de Nicolas Levrat e Jenaro Talens.

 

MÁIS NOVAS
Llorenç Soler: M’agrada pensar que sóc un amateur de tot el que faig
09/11/2022

Seducido polas moitas realidades que acubilla a cidade, Llorenç Soler filma en 1976 o Primeiro Seminario de Arquitectura de Compostela (1976), de carácter descritivo e, en paralelo, unha peza de montaxe radical na forma e na denuncia: Antisalmo.  Dende  entón Galiza fai parte dos seus materiais e serán as mediametraxes Gitanos sin romancero (1976), Autopista: […]

Seguir lendo
Margarita Ledo Andión participará como profesorado no Laboratorio FilmLAB LaC6 en Mieres
A coordinadora do GEA partillará experiencias no módulo 2 do laboratorio: "Formas y narrativas. Estructuras del guión cinematográfico"
09/11/2022

Neste laboratorio FilmLAB LaC6, un grupo de vinte profesionais do cinema en activo de recoñecida traxectoria, acompañan nas fases inicias sete proxectos cinematográficos de novas autorías.  Co fin de formar nas ferramentas necesarias no desenvolvemento e realización da propia obra audiovisual. Ademais de tempo e orientación para profundar nos proxectos, apréndese a elaborar un dossier […]

Seguir lendo
III Xornadas Internacionais Violencia de xénero e muller con discapacidade IN.XURGA 2022 coa participación de Margarita Ledo Andión
Os vindeiros 17 e 18 novembro de 2022 realizaránse as xornadas en streaming
09/11/2022

Os vindeiros 17 e 18 novembro a Asociación pola defensa das persoas con discapacidade/dependencia de Xuristas Inclusiv@s (IN.XURGA), organiza as III Xornadas Internacionais Violencia de xénero e muller con discapacidade IN.XURGA 2022, onde colaborará como asociada de honra a coordinadora do Grupo de Estudios Audiovisuais, Margarita Ledo Andión. intervirá o día 18 ás 18.00h coa […]

Seguir lendo
© 2022 Estudos Audiovisuais