Aberta a inscrición para a sexta edición do CO(M)XÉNERO
O Seminario Permanente de Comunicación e Xénero céntrase desta vez nas posibilidades do xornalismo para transformar o discurso heteropatriarcal dos medios
A sexta edición do CO(M)XÉNERO, Seminario Permanente de Comunicación e Xénero decorrerá nos días 22, 23 e 31 de marzo na Facultade de Ciencias da Comunicación, organizado polo Grupo de Estudos Audiovisuais (GEA) co apoio da Oficina de Igualdade de Xénero da USC e de Xornalistas Galegas. Nesta ocasión, as xornadas céntrase nas posibilidades do xornalismo para transformar, desde prácticas conscientes, o discurso heteropatriarcal dos medios.
Coordinado pola directora do GEA, a catedrática Margarita Ledo Andión, e en colaboración de novo coa Mostra Internacional Cinema Etnográfico (MICE) – Museo do Pobo Galego, o seminario está dirixido a estudantes de comunicación, investigadoras e investigadores en formación, profesionais e, en xeral, a todas as persoas interesadas en abordar os medios e as industrias culturais e creativas dende unha lectura crítica. A participación no CO(M)XÉNERO pode ser recoñecida como actividade formativa para o estudantado do Programa de Doutoramento en Comunicación e Información Contemporánea.
A inscrición é de balde e está aberta até o 21 de marzo a través do formulario dispoñible na web do GEA.
«Fendas no círculo de xiz» é o lema deste sexto CO(M)XÉNERO. Así pois, o seminario presentará experiencias de introdución da perspectiva de xénero na linguaxe xornalística, canda un obradoiro de intervención nos seus contidos. Pór fin a unha dinámica discriminatoria e excluínte pasa pola necesaria construción de audiencias e colectividades formadas no pensamento crítico, capaces de analizar, deconstruír e mesmo comezar a reverter as representacións e estruturas sexistas presentes nos medios.
Coa fin de crebar o círculo de xiz, o seminario busca reflexionar sobre os xeitos de incorporar voces que non adoitan aparecer nos medios e introducir novos puntos de vista na información na que as mulleres son protagonistas.
O programa inclúe conferencias, sesións de proxeccións e debate, así como obradoiros para achegármonos a outra forma de contar.
Alma Alonso e María Aragón, alumnas da Facultade de Ciencias da Comunicación da Universidade de Santiago, resultaron premiadas no concurso CIMA10 Guiones para la Igualdad, organizado pola Asociación de Mujeres Cineastas y de Medios Audiovisuales (CIMA) e a plataforma dixital Amazon Prime. Neste certame buscábanse guións de curtametraxes escritos por novos talentos femininos e estas […]
A XII Viana International Film Conference ten como obxectivo reunir a destacado persoal académico, investigador e estudioso para presentar e compartir as súas experiencias e resultados de investigación, construír unha comunidade internacional e proporcionar unha plataforma interdisciplinar arredor dos seus principais temas: “cine e educación”, “cine: arte, ciencia e cultura” e “fotografía e memoria”. A […]
A vindiera conferencia anual da AIECS (Association for Media and Communication Research) terá lugar en Lyon, Francia, do 9 ao 13 de julio de 2023. Organizada pola Sciences Po Lyon en colaboración co Congreso de Lyon1 (Université Claude Bernard) e co apoio de Lyon2 (Université Lumière), Lyon3 (Université Jean Moulin) e OnlyLyon Tourism and Congress, […]