Actualidade
Novas e Axenda Bota un ollo á actividade do GEA

Call for Papers da Conferencia “Repensando o cinema e a súa historia a través de enfoques globais e dixitais (dende comezos do século XX ata a década de 1970)”

24/02/2022

O proxecto europeo Social Networks of the Past. Mapping Hispanic and Lusophone Literary Modernity (1898-1959)” e o Global Literary Studies Research Lab, coa colaboración do profesor Malte Hagener da Philipps-Universität Marburg, abriron call for papers para o Congreso Internacional “Repensando o cinema e a súa historia a través de enfoques globais e dixitais (dende comezos do século XX ata a década de 1970), que se celebrará do 5 ao 7 de outubro de 2022 no IN3-UOC, Seu Poblenou, Barcelona, Spain.

A Conferencia contribuirá a analizar as seguintes cuestións:

1) as perspectivas globais nos estudos do cinema e, máis específicamente, en relación a como os enfoques globais e dixitais poden axudar a repensar a historia do cinema e loitar cos discursos hexemónicos; 2) casos de estudo que poidan axudarnos a reflexionar sobre proxectos cinematográficos e espazos de sociabilidade menos ingestigados, como son os cineclubes ou a crítica cinematográfica, en xeografías menos analizadas como Amérlica Latina e o Sur Global. O congreso porá o centro do seu interese na recuperación e restauración do papel das mulleres que participan na construción das diferentes culturas fílmicas das áreas xeográficas propostas.

Os poñentes convidados son: Valeria Camporesi (Universidad Autónoma de Madrid), Michael Cowan (Iowa University), Rielle Navitski (University of Georgia), Julia Noordegraaf (University of Amsterdam), Masha Salazkina (Concordia University), Georgina Torello (Universidad de la República, Uruguay), Daniela Treveri Gennari (Oxford Brookes University).

As propostas deberán incluir un resumo (300 palabras), a filiación, unha biografía e unha breve lista de referencias ás organizadora da conferencia Diana Roig-Sainz, Ainamar Clariana, Pablo Suárez-Mansilla, e Malte Hagener a enderezo electrónico globalcinemahistoryconference@gmail.com antes do 1 de maio de 2022.

Para máis información, podes descargar aquí o documento pdf con call for papers (en inglés).

MÁIS NOVAS
O Repertorio da Radio Galega da Emigración incorpórase ao catálogo da FaCom (USC)
Este recolle as actividades radiofónicas realizadas e protagonizadas polos emigrantes galegos fundamentalmente en América e Europa (1930 ata a actualidade).
17/07/2024

O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]

Seguir lendo
Aberto o prazo para os Premios María Luz Morales
Este certame de ensaio e vídeoensaio está organizado pola Academia galega do Audiovisual
04/07/2024

A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]

Seguir lendo
Seminario “Película sen facer. Elementos dun cinema latente”
Os días 1 e 2 de xuño, no (S8) Mostra de Cinema Periférico da Coruña.
22/05/2024

O seminario, , parte do (S8) Mostra de Cinema Periférico da Coruña, dirixido a artistas, comisarios, cineastas, programadores, investigadores, arquiveiros e estudantes, de acceso libre, xira ao redor das películas inacabadas ou cuxa finalización foi truncada por motivos políticos, financeiros ou persoais, que nos conducirán por territorios como Irán, Marrocos, Corea do Sur ou España. […]

Seguir lendo
© 2024 Estudos Audiovisuais