Presentación do libro “Unha arca entre Peixes e Pantasmas. Novas Olladas á costa galega”

“Unha arca entre Peixes e Pantasmas. Novas Olladas á costa galega” conformouse como peche da 2ª edición do obradoiro de fotografía documental títulado Novas olladas á costa galega. O proxecto, impulsado polo Grupo de Estudos Audiovisuais da Universidade de Santiago de Compostela xunto co colectivo fotográfico Ollo, rematou coa realización dun curso de fotografía documental no Concello de Noia durante os días sábado 6 de xullo e domingo 7 de xullo de 2024. O alumnado, conxuntamente, puido articular un ensaio fotográfico grazas ao apoio dos membros do colectivo. Desta experiencia conxunta xorde este libro.