
Preséntase o libro ‘Formas en transición. Algunos filmes españoles del período 1973-1986’
Será o venres 17 ás 20.00 horas na Fundación Luis Seoane da Coruña
O catedrático de Comunicación Audiovisual e Publicidade José Luis Castro de Paz presenta na Coruña o último libro: Formas en transición. Algunos filmes españoles del período 1973-1986. Será o venres 17 de xaneiro no Salón de Actos da Fundación Luis Seoane a partir das 20.00 horas e farao na compaña do catredrático de Filoloxía da USC e ex-director da RAE, Darío Villanueva, e do historiador e investigador en cinema José Manuel Sande. O acceso é de balde até completar a capacidade do espazo.
O volume achégase á Transición política española, un dos períodos máis convulsos e frutíferos do cinema español e tamén dos máis variados en temas, xéneros estilos e enfoques. Un cinema conxuntural que documenta e retrata a España deses anos desde todas as frontes, desde todas as opcións políticas. Nos catorce anos que median entre 1973 e 1986 prodúcense da orde de 1300 longametraxes; un vasto corpus heteroxéneo e complexo, tanto no que se refire ás formas fílmicas despregadas como aos discursos construídos por medio daquelas. Porque, como é lóxico, tanto os filmes máis reaccionarios como aqueloutros capaces de transmitir ao público os valores que vertebraban a transformación política, pasando polos máis rupturistas que rexeitaban o proceso político desde a esquerda, puxeron pé os seus discursos ideolóxicos despregando as ferramentas propias do medio cinematográfico (a montaxe/posta en escena no seu sentido máis amplo), especialmente proclive entón a audacias e probas formais de todo tipo: investigacións e innovacións ora brillantes e frutíferas, ora apenas embrionarias, en exceso abruptas erradas ou inconclusas, pero sempre valiosas e historicamente significativas, e construídas moitas veces a partir dunha reelaboración profunda de formas e estilizacións vinculadas ás tradicións culturais populares das que o cinema español de nutriu desde o período mudo.

O GEA participou na Conferencia internacional “Personal Perspective and Essayistic Form in Nonfiction Film and Art” en Vilnius, Lituania. A representación do Grupo de Estudos Audiovisuais estivo formada pola Catedrática Emerita de Comunicación Audiovisual da USC e IP Margarita Ledo, a profesora Marta P. Pereiro e os profesores Cibrán Tenreiro e Eloy Domínguez.
A Asociación Española de Investigación de la Comunicación (AE-IC) celebrará o seu IX Congreso Internacional na Facultade de Comunicación e Documentación, Campus Espinardo, da Universidade de Murcia, do 28 ao 31 de maio de 2024 baixo o lema “Comunicación e Innovación Sostíbel”. O Congreso convoca aos/ás investigadores/as en comunicación, nomeadamente no ámbito español, europeo e […]
Os días 14 e 15 de setembro de 2023 celebrarase no Auditorio da Facultade de Ciencias da Comunicación da USC o seminario Cinema e deporte. Clase xénero e cuestión nacional. Este seminario está organizado polo Grupo de Estudos Audiovisuais da Universidade de Santiago de Compostela, Cinema. Col.lectiu d´Investigació Estètica des Mitjans Audiovisuals da Universidade Pompeu […]