Actualidade
Novas e Axenda Bota un ollo á actividade do GEA

Os proxectos que verán a luz nos próximos anos

As axudas ao talento audiovisual repártense entre 15 guións, curtametraxes e longametraxes

28/06/2019

Esta semana a Axencia Galega das Industrias Culturais (AGADIC) fixo pública a resolución das subvencións para o desenvolvemento e promoción do talento audiovisual galego. En total son 15 novos proxectos de escrita de guión e de produción de curtametraxes e longametraxes, dous máis que no pasado ano, os que reparten os 150.000 euros desta liña orzamentaria, que viu incrementada a súa contía nun 7,5% con respecto ao ano anterior.

O auto das ánimas, dirixida  por Pablo Lago Dantas  coa produción de Diana Toucedo, o documental Luz Fandiño, a poeta analfabeta de Sonia Méndez; e Jacinto, de Vizuals Lab con dirección de Javi Camino son as longametraxes con dirección novel escollidas por AGADIC. Cada unha recibirá unha axuda de 30.000 euros, sumando un total de 90.000 euros dos fondos.

A escrita de guións ten destinados 30.000 euros, que se reparten entre seis proxectos, cada un dotado de 5.000 euros: Antoloxía de inverno, de Lara Bacelo; As liñas descontinuas, de Anxos Fazáns; Algo parecido á felicidade, de Álvaro Gago; Fame e febre, de Javier Ferreiro López; Queroseno, de Eloy Domínguez Serén, e Insectos, de Alfonso Vázquez Cortizo.

Finalmente, outras seis curtametraxes contarán con cadanseus 6.000 euros para se desenvolveren, completando os 36.000 euros destinados a esta modalidade. Trátase de Mércores de cinza, de Nuria Mosqueira; Hai unha virxe alí arriba, de Brandán Cerviño; A miña terra, de Santiago Diéguez Risco; Monte Bravo, de Noelia Muíño; Unha noite marabillosa, de Iván Torres Hernández, e Unidade veciñal, de Antonio García Mejuto.

Deste xeito, AGADIC ofrécenos un adianto dos proxectos que van ver a luz nos próximos anos baixo o seu apoio, nunha ecografía do que vai alimentar o audiovisual galego nun futuro próximo. Entre as obras subvencionadas, as mulleres representan un 40%. Esta cifra recupera a porcentaxe dos anos do bipartito, tal e como analizaba a integrante do Grupo de Estudos Audiovisuais Marta Pérez Pereiro en “Teitos de celuloide”, texto que vos animamos a visitar.

MÁIS NOVAS
O 18 de outubro remata o prazo do Call for Papers do VIII Congreso AE-IC – Barcelona 2022
21/09/2021

A Asociación Española de Investigación da Comunicación AE-IC mantén aberta ata o 18 de outubro de 2021 a chamada á presentación de traballos para o VIII Congreso Internacional que se celebrará en Barcelona do 28 de xuño ao 1 de xullo de 2022. Investigadores/as en comunicación, especialmente dos ámbitos español, europeo e latinoamericano, están convidados […]

Seguir lendo
O GEA participa na homenaxe a Jesús Martín-Barbero da revista MATRIZes
Margarita Ledo publica un texto sobre testemuños ibéricos xunto cos profesores Isabel Ferín, Manuel Pinto e Joseph Straubhaar
13/09/2021

A revista MATRIZes recolle no seu último número unha homenaxe ao investigador Jesús Martín-Barbero na que o GEA contribúe cun texto escrito polos profesores Margarita Ledo, Isabel Ferín, Manuel Pinto e Joseph Straubhaar. Outros pesquisadores como Maria Immacolata Vassallo de Lopes, Muniz Sodré ou Néstor García Canclini contribúen na monografía con testemuños sobre a obra […]

Seguir lendo
Margarita Ledo Andión participa nun seminario web sobre sobre documental feminista
O webinar irá acompañado dun ciclo de cine VoD, que incluirá o seu filme Nación
09/09/2021

Do 15 ao 17 de setembro, a Universitat Rovira i Virgili de Tarragona organiza un webinar titulado “El documental feminista en España como agente del cambio social” no que participará Margarita Ledo Andión. Ledo conversará con Pilar Monsell sobre a articulación a través da linguaxe documental da memoria das mulleres traballadoras. A sesión, titulada “Nunca […]

Seguir lendo
© 2021 Estudos Audiovisuais