O Grupo de Estudos Audiovisuais presenta o libro “A foresta e as árbores”
A libraría NUMAX acollerá o acto o día 16 de maio
O xoves 16 de maio ás 20.00 horas a libraría NUMAX acolle a presentación do libro A foresta e as árbores. Para unha historia do cinema en lingua galega (2), editado polo Grupo de Estudos Audiovisuais e a Editorial Galaxia baixo a coordinación de Margarita Ledo Andión.
A foresta e ás árbores, segundo volume da serie Para unha historia do cinema en lingua galega, constrúe, desde a ollada singular das oito investigadoras e investigadores que participan no libro, un itinerario temático co que adentrármonos no cinema galego máis recente. Na mostra de filmes analizados, reflexo tamén da diversidade na cinematografía galega das últimas décadas, avanzamos desde o dó por un mundo que esmorece ao velado —aquilo do que non se fala— na nosa historia; desde o desexo e as súas derivas á necesidade de filmar o íntimo e a nós mesmas.
No acto intervirá a coordinadora do libro e catedrática en Comunicación Audiovisual, Margarita Ledo Andión, e estarán presentes as autoras e autores do volume: Marta Pérez Pereiro, María Soliña Barreiro, Antía López Gómez, Fernando Redondo Neira, José Luis Castro de Paz, Enrique Castelló Mayo, Xosé Nogueira Otero e Iván Villarmea Álvarez.
«Sobordando tópicos, este é un libro no que as árbores deixan ver a foresta, a foresta prata, talvez de bidueiros. Este é un libro que nos pon nas mans un catálogo de filmes que revelan, para alén dos motivos, a posibilidade dunha cinematografía diversa: nas súas propostas estéticas, na proximidade ou no afastamento radical das regras que definen os chamados “xéneros”, na concreción dun modo de pensar o cinema que, paso a paso, se sente parte dunha tradición que relatamos e puntuamos no volume 1, en Marcas na paisaxe».
Agardámosvos!
A Escola Superior de Artes Media e Deseño (ESMAD), do Instituto Politécnico do Porto (P. PORTO), lanza o Premio John Goto ESMAD, P. PORTO, en homenaxe ao artista fotógrafo John Goto, cuxo traballo innovador contribuíu para a reformulación da fotografía como medio de comentario social e crítica cultural. Poden aplicar ao mesmo o estudantado de […]
O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]
A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]