Seminario de Crítica e Programación Online
A Cuarta Parede e (S8) organizan esta actividade o 1 de xuño
A Cuarta Parede volve á (S8) Mostra de Cinema Periférico para seguir teorizando arredor do cinema experimental. Con motivo do décimo aniversario da Mostra, o II Seminario de Crítica esténdese alén das datas do propio festival cunha ambiciosa proposta que conta co apoio de Acción Cultural Española. A formación quere facer fincapé este ano no mundo online como un espazo onde o cinema experimental debe seguir a súa expansión en busca de novos públicos: ben desde a crítica cinematográfica, ben desde a programación de filmes.
As actividades terán lugar o 1 de xuño na Sala de Prensa Afundación e incluirán sesións teóricas e mesas redondas, así como proxeccións de filmes que se desenvolverán o día anterior do Cineclube de Compostela. As alumnas terán ademais a posibilidade de publicar textos, escritos e audiovisuais, en A Cuarta Parede, contando co apoio desta na súa edición. Os docentes do curso serán Stefano Miraglia, curador independente e artista visual fundador de MOVIMCAT – The Moving Image Catalog, un proxecto online sobre a cultura da imaxe en movemento; e Brais Romero Suárez, director de A Cuarta Parede, programador do Festival Curtocircuíto, e membro do Grupo de Estudos Audiovisuais.
Prazos e matrícula
A matrícula para o seminario será de balde. O número de alumnas estará limitado a 15, tendo prioridade aquelas que realicen antes a matrícula.
Para realizala, as alumnas deberán escribir un correo electrónico a info@acuartaparede.com, sinalando no asunto “Seminario S8” e incluíndo no texto o seu nome completo e o DNI. O prazo de matrícula estará aberto ata as 00:00h del 30 de maio.
+info. en A Cuarta Parede.
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo […]
A auto-biografía política, dar a ver a súa construción, a marca do dispositivo, o real como material que “debe ser ficcionado para ser pensado (Rancière) é un dos sinais e tamén os arquivos re-significados polas escrituras do “eu”, polo corpo, polos seus ecos, pola actuación… son entradas polas que accedemos ao interior do labirinto a […]
A Academia Galega do Audiovisual entregou na terza feira, día 12, os galardóns da oitava edición dos Premios María Luz Morales de ensaio e videoensaio sobre o audiovisual. Nesta edición, premiáronse dous videoensaios e dous ensaios escritos. Esta iniciativa pioneira conta co respaldo das catro deputacións galegas. A entrega de premios tivo lugar no Pazo […]