Actualidade
Novas e Axenda Bota un ollo á actividade do GEA

O filme ‘Nación’, de Margarita Ledo Andión, é distinguindo polo ICAA por fomentar a igualdade de xénero

15/01/2021

O Instituto da Cinematografía e das Artes Audiovisuais outorga ao último filme de Margarita Ledo Andión o selo que a recoñece como película “Especialmente recomendada para o fomento da igualdade de xénero”. A entidade, dependente do Ministerio de Cultura e Deporte, concede este distintivo ás películas que promoven a eliminación de prexuízos, de imaxes e roles estereotipados en función do sexo, favorecen o uso de linguaxes non sexistas, propician o rexeitamento de todo tipo de violencias,e representan de maneira igualitaria a capacidade das mulleres en sectores claramente masculinizados.

Nación, unha longametraxe de non ficción producida por Nós Produtora Cinematográfica Galega, reivindica a loita obreira feminina a través das experiencias das traballadoras da fábrica de cerámica A Pontesa (Pontevedra)  ao longo dos anos 50. Estreado no Festival Europeo de Sevilla (SEFF) no mes de novembro,  participou tamén no Festival Cineuropa de Santiago de Compostela e no Márgenes-Festival de Cine Independiente de Madrid e prepara agora a súa estrea en salas comerciais.

O recoñecemento do Ministerio ao traballo desta cineasta e investigadora da USC súmase así a outros galardóns recentes, como o Premio á mellor dirección concedido polo SEFF e o premio do festival Cineuropa á totalidade da súa traxectoria.

MÁIS NOVAS
O 18 de outubro remata o prazo do Call for Papers do VIII Congreso AE-IC – Barcelona 2022
21/09/2021

A Asociación Española de Investigación da Comunicación AE-IC mantén aberta ata o 18 de outubro de 2021 a chamada á presentación de traballos para o VIII Congreso Internacional que se celebrará en Barcelona do 28 de xuño ao 1 de xullo de 2022. Investigadores/as en comunicación, especialmente dos ámbitos español, europeo e latinoamericano, están convidados […]

Seguir lendo
O GEA participa na homenaxe a Jesús Martín-Barbero da revista MATRIZes
Margarita Ledo publica un texto sobre testemuños ibéricos xunto cos profesores Isabel Ferín, Manuel Pinto e Joseph Straubhaar
13/09/2021

A revista MATRIZes recolle no seu último número unha homenaxe ao investigador Jesús Martín-Barbero na que o GEA contribúe cun texto escrito polos profesores Margarita Ledo, Isabel Ferín, Manuel Pinto e Joseph Straubhaar. Outros pesquisadores como Maria Immacolata Vassallo de Lopes, Muniz Sodré ou Néstor García Canclini contribúen na monografía con testemuños sobre a obra […]

Seguir lendo
Margarita Ledo Andión participa nun seminario web sobre sobre documental feminista
O webinar irá acompañado dun ciclo de cine VoD, que incluirá o seu filme Nación
09/09/2021

Do 15 ao 17 de setembro, a Universitat Rovira i Virgili de Tarragona organiza un webinar titulado “El documental feminista en España como agente del cambio social” no que participará Margarita Ledo Andión. Ledo conversará con Pilar Monsell sobre a articulación a través da linguaxe documental da memoria das mulleres traballadoras. A sesión, titulada “Nunca […]

Seguir lendo
© 2021 Estudos Audiovisuais