Actualidade
Novas e Axenda Bota un ollo á actividade do GEA

O Congreso Internacional Latina de Comunicación Social acollerá en decembro unha mesa temática vinculada ao Proxecto de Investigación sobre o cinema español posbélico

19/06/2014

A comezos do mes de decembro celebrarase en Tenerife o VI Congreso Internacional Latina de Comunicación Social, organizado pola Sociedad Latina de Comunicación Social e a Universidad de La Laguna.
Dentro das actividades do congreso, o venres 5 (entre as 16:00 e as 18:00 horas) desenvolverase unha mesa temática vinculada ao Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España), na que os investigadores participantes analizarán o peso da literatura na configuración dunhas formas expresivas propias no cinema español tralo conflito bélico, que en moitos casos manteñen sólidos fíos coas tradicións culturais populares que xa nutriran o cinema republicano.
Trátase da Mesa de Debate 625, titulada Literatura y cine popular después de la Guerra Civil española (1939-1962) e estará moderada polo Investigador Principal, José Luis Castro de Paz (Universidade de Santiago de Compostela), e os tamén membros do equipo do Proxecto, Santos Zunzunegui e Carmen Arocena (Universidad del País Vasco).
Do mesmo xeito que co número monográfico que prepara a revista L’Atalante para mediados do vindeiro ano, está previsto que participen na mesa varios membros do Proxecto, aínda que o congreso está aberto a quen desexe colaborar con comunicacións sobre aspectos ao abeiro da investigación. O prazo para o envío de propostas remata o 31 de outubro, e os textos completos poderanse enviar ata o 15 de novembro.
Para unha información máis detallada, pódese consultar a páxina web do congreso:

VI Congreso Internacional Latina de Comunicación Social

MÁIS NOVAS
Aberto o prazo de inscrición para Novas olladas á costa galega (2ª ed.)
Este obradoiro de fotografía documental co Colectivo Ollo terá lugar os vindeiros 6 e 7 de xullo en Noia
15/05/2024

Os vindeiros 6 e 7 de xullo na Sociedade Liceo de Noia (Noia) e baixo a dirección de Mª Soliña Barreiro González e Jennifer Novoa Domínguez, terá lugar a 2ª edición deste obradoiro de fotografía documental organizado polo Grupo de Estudos Audiovisuais e o colectivo fotográfico Ollo. Constará de 16 horas lectivas cun límite de asistencia de 25 persoas. […]

Seguir lendo
Margarita Ledo Andión participa nas xornadas “50 anos do 25 de abril”
A Catedrática emérita do GEA estará presente no coloquio: "O 25 de abril do outro lado do Miño" na Facultade de Filoloxía da USC
12/04/2024

A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]

Seguir lendo
30 aniversario da AGAPI
A segunda xornada terá lugar o mércores 17 de abril na Facultade de Ciencias da Comunicación da USC
12/04/2024

Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]

Seguir lendo
© 2024 Estudos Audiovisuais