“Nación, retrato de Martina” será subvencionado pola Consellería de Cultura e Turismo
O próximo filme de Margarita Ledo, coordinadora do GEA, recibirá unha axuda de 78.068 euros
A Xunta de Galicia subvenciona este ano a produción ou coprodución de 17 novos filmes galegos a través da adxudicación das axudas da Consellería de Cultura e Turismo, o que suporá unha inxección total de 5,3 millóns de euros no sector. Baixo dirección de Margarita Ledo, a coordinadora do Grupo de Estudos Audiovisuais, verá a luz Nación, retrato de Martina, un traballo producido por Nós Produtora Cinematográfica Galega, que se inclúe entre os seis documentais seleccionados. Outras seis longametraxes de ficción, catro curtametraxes e unha serie de televisión completan as obras financiadas.
Na modalidade de longametraxes de ficción, a Xunta subvencionou con 234.205 euros Debuxos animados (Honeymoon), presentado por Pulsa Control Z e coa dirección de Enrique Otero. Esta mesma cantidade é a que recibirá María Solinha, de Vía Láctea Filmes, que conta con Ignacio Vilar como director. Os restantes títulos desta categoría son O corpo aberto, de Ollo Vivo; Tres, de AIE Tres A Película Frida Nair, e San Simón, da produtora Miramemira. Cada un deles recibirá 253.722 euros, cantidade tamén outorgada á única película de animación beneficiaria, O meu avó, de AIE Caretos Films.
En canto ao xénero documental, súmanse á obra da catedrática de Comunicación Audiovisual e Publicidade os títulos Os días calados do Sr. Stevens, de Matriuska e César Souto; Onde máis doe, de Xamalú Filmes e Manane Rodríguez; A Virxe Roxa, de Recrea Filmes con Marcos Nine; Alén da Terra, de Somadrome Films e Ruth Chao, e Kevin vs Ray, de Pulsa Control Z con Eduardo Herrero e Manuel Lemos. Cada un deles recibirá 78.068 euros, agás os dous últimos que disporán de 58.551 euros.
No apartado de formatos televisivos, Tres flores sen piedade, produción de CTV para a Televisión de Galicia, recibirá 253.711 euros, e contará coa dirección de Juan Galiñanes. Completan a relación de proxectos apoiados as curtametraxes Rompente, de Zeitun Films e dirección de Eloy Domínguez; 16 de setembro, de Sombriza Films e Álvaro Gago; Lolo da Illa, de Alfonso Vázquez Cortizo, e Non me espera ninguén, de Ladybug Films. Cada un deles recibirá unha axuda de 15.000 euros.
O vindeiro día 4 de febreiro, terza feira, ás 11h proxectárase no auditorio da Facultade de Ciencias de Comunicación da Universidade de Santiago o filme Morlaix. Posteriormente haberá un coloquio ao que asistirán o director da fita, Jaime Rosales, o Catedrático de Comunicación Audiovisual e Publicidade José Luis Castro de Paz e estudantes da facultade. […]
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo […]
A auto-biografía política, dar a ver a súa construción, a marca do dispositivo, o real como material que “debe ser ficcionado para ser pensado (Rancière) é un dos sinais e tamén os arquivos re-significados polas escrituras do “eu”, polo corpo, polos seus ecos, pola actuación… son entradas polas que accedemos ao interior do labirinto a […]