Con motivo dos seus 25 anos, a Asociación Galega de Produtoras Independentes (AGAPI) muda a súa web dotándoa dun novo deseño e funcións, procurando mellorar as prestacións ofrecidas. Deste xeito, a páxina pretende adaptarse ás necesidades do presente e ser unha ferramenta viva ao servizo do sector audiovisual.
Esta nova web está estruturada en apartados pensados para facela útil e operativa. Conta cun espazo adicado a socias cos contactos das empresas. O catálogo permite acceder ás últimas producións feitas desde Galicia. Na revista están recollidas as novas de actualidade e formación, coa novidade dos apartados Informes e Anuarios que buscan dar acceso con datos cualitativos a todo o sector.
Inclúe tamén un apartado de emprego para a publicación de ofertas de traballo e permite ao público xeral subscribirse para recibir un boletín periódico de noticias e avisos, así como a opción de facer unha candidatura espontánea de envío de cv que quedará a disposición dos produtores asociados. Agapi.gal contén a maiores unha área privada de acceso restrinxido a socias con documentación e informes.
A nova imaxe e web de AGAPI contou coa Subvención no seu desenvolvemento e posta en marcha da Axencia Galega das Industrias Culturais (Agadic). A imaxe e o deseño da cabeceira correron a cargo da ilustradora e artista Iria Prol, mentres o desenvolvemento da web foi traballo de Explica Ingenieros.
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
O venres pasado, 17 de abril, Rocío del Pilar Sosa Fernández, membro do GEA, presentou a comunicación Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR no marco da conferencia 2026 SJTU-IAMCR Emerging Media Conference: Creative Communication and Empowerment. Devandito evento foi organizado pola International Association for Media […]