Actualidade
Novas e Axenda Bota un ollo á actividade do GEA

Nace a rede de cinemas independentes PROMIO para defender a diversidade fílmica

A iniciativa presentouse no Festival de Cine Europeo de Sevilla e acubilla a máis de medio centenar de cinemas españois

13/11/2020

A rede de cinemas independentes PROMIO ven de iniciar a súa andadura cunha presentación no Festival de Cine Europeo de Sevilla. Os cinemas galegos Numax, Dúplex e Códex forman parte das salas que se unen para defender con máis recursos a diversidade fílmica, fomentar o subtitulado e o respecto da VO e impulsar unha serie de medidas de apoio para os cinemas independientes.

Na presentación da rede, o seu presidente Ramiro Ledo, de DUPLEX Cinema asegurou que “en España somos actualmente máis de medio centenar de cines os que compartimos a defensa da diversidade cinematográfica como principal obxectivo. No cómputo anual de sesións dos nosos locais, a maioría son de títulos de nacionalidade europea, incluída a española. A práctica totalidade somos empresas independientes”.

A rede, que toma o seu nome do operador Lumière Alexandre Promio, que filmou as primeiras imaxes de España,   quere defender a diversidade,  fomentar a versión orixinal e subtitulada, potenciar a alfabetización audiovisual, impulsar medidas de estímulo económico. Promio busca defender a experiencia fílmica en sala mentres que colabora cos demais sectores da creación e a industria, promovendo  a innovación nos modelos de negocio.

O xerente de DUPLEX Cinema, Ramiro Ledo, ostenta a presidencia desta nova rede, en cuxa xunta directiva tamén figura Javier Pachón, de Cineciutat, Mallorca, na vicepresidencia. Ademáis, esta asociación conta tamén coa participación de, entre outros, representantes das salas NUMAX (Santiago), CODEX CINEMA (Lugo), CINE ESTUDIO CBA (Madrid), CINEMES GIRONA (Barcelona), ZUMZEIG (Barcelona), CINEMA TRUFFAUT (Girona), CINES EMBAJADORES (Madrid), CINEMA EDISON (Granollers), RAMBLA DE L’ART (Cambrils) e CINEBAIX (Sant Feliu de Llobregat).

MÁIS NOVAS
O Repertorio da Radio Galega da Emigración incorpórase ao catálogo da FaCom (USC)
Este recolle as actividades radiofónicas realizadas e protagonizadas polos emigrantes galegos fundamentalmente en América e Europa (1930 ata a actualidade).
17/07/2024

O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]

Seguir lendo
Aberto o prazo para os Premios María Luz Morales
Este certame de ensaio e vídeoensaio está organizado pola Academia galega do Audiovisual
04/07/2024

A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]

Seguir lendo
Seminario “Película sen facer. Elementos dun cinema latente”
Os días 1 e 2 de xuño, no (S8) Mostra de Cinema Periférico da Coruña.
22/05/2024

O seminario, , parte do (S8) Mostra de Cinema Periférico da Coruña, dirixido a artistas, comisarios, cineastas, programadores, investigadores, arquiveiros e estudantes, de acceso libre, xira ao redor das películas inacabadas ou cuxa finalización foi truncada por motivos políticos, financeiros ou persoais, que nos conducirán por territorios como Irán, Marrocos, Corea do Sur ou España. […]

Seguir lendo
© 2024 Estudos Audiovisuais