Actualidade
Novas e Axenda Bota un ollo á actividade do GEA

Dúas salas galegas incorpóranse á rede internacional Europa Cinemas

Duplex e Códex acompañan a Numax, que forma parte da rede dende 2016

13/11/2020

O ferrolán DUPLEX Cinema e o lucense CÓDEX Cinema incorpóranse á rede internacional Europa Cinemas. Ambas salas presentaron unha candidatura conxunta que ven de obter a validación do comité anual da rede. A integración en Europa Cinemas implica que ambas salas de proxección de filmes en VO cumpren cos criterios de calidade e diversidade na difusión do cinema europeo, xunto con outros 1.200 locais repartidos por 700 cidades e 43 países.

Ambas salas acompañan, a partir de agora, a Cinema NUMAX, que foi pioneira en Galicia en formar parte desta rede dende o ano 2016. Deste xeito, a oferta galega de salas de proxección de cinema en VO con este recoñecemento de calidade queda artellada en torno ás cidades de Ferrol, Lugo e Santiago de Compostela.

A rede Europa Cinemas, creada hai 27 anos co apoio do Subprograma MEDIA de Europa Creativa e o Centre National du Cinéma et de L’Image Animée, está considerada como a primeira rede de salas de cine comprometida coas películas europeas e o seu principal obxectivo é ofrecer apoio operacional e financeiro aos cines que se comprometan a programar un número significativo de películas europeas non nacionais, así como a ofrecer iniciativas ou actividades promocionais enfocadas ao público novo. Segundo a Oficina MEDIA España, as salas integradas nesta rede deben cumprir certos criterios como o número de entradas, de sesións e unha porcentaxe de filmes europeos na súa programación, como figura nas Líneas Directrices de Europa Cinemas.

Ademais da súa incorporación a Europa Cinemas, o ferrolán DÚPLEX promove unha nova rede de cinemas independentes que ven de presentarse no Festival de Cine Europeo de Sevilla. A rede PROMIO está integrada por un grupo de exhibidores e xurde coa vontade de acoller e representar aos cinemas españois que defenden a diversidade cultural na exhibición cinematográfica.

MÁIS NOVAS
IX Congreso Internacional da Asociación Española de Investigación de la Comunicación (AE-IC)
Aberto o Call For Papers
12/09/2023

A Asociación Española de Investigación de la Comunicación (AE-IC) celebrará o seu IX Congreso Internacional na Facultade de Comunicación e Documentación, Campus Espinardo, da Universidade de Murcia, do 28 ao 31 de maio de 2024 baixo o lema “Comunicación e Innovación Sostíbel”. O Congreso convoca aos/ás investigadores/as en comunicación, nomeadamente no ámbito español, europeo e […]

Seguir lendo
Cinema e deporte. Clase xénero e cuestión nacional
Actividade organizada polo Grupo de Estudos Audiovisuais, Cinema. Col.lectiu d´Investigación Estética dels Mitjans Audiovisuals e o Cineclube de Compostela
05/09/2023

Os días 14 e 15 de setembro de 2023 celebrarase no Auditorio da Facultade de Ciencias da Comunicación da USC o seminario Cinema e deporte. Clase xénero e cuestión nacional. Este seminario está organizado polo Grupo de Estudos Audiovisuais da Universidade de Santiago de Compostela, Cinema. Col.lectiu d´Investigació Estètica des Mitjans Audiovisuals da Universidade Pompeu […]

Seguir lendo
Conferencia internacional en Vilnus (Lituania) “Personal Perspective and Essayistic Form in Nonfiction Film and Art”
Nesta conferencia participa a Catedrática de Comunicación Audiovisual da USC, Margarita Ledo, acompañada dunha representación do GEA
04/09/2023

PRELIMINARY PROGRAMME September 22 (Friday), Film and media space Planeta, A. Goštauto str. 2 9.20 Registration 9.30-9.40 Welcoming. Renata Šukaitytė (Lithuanian Culture Research Institute, Lithuania) 9.40-11.15 Panel: Ethical and Environmental Concerns Chair: Katarína Mišíková (Academy of Performing Arts in Bratislava, Slovakia) Jana Dudková, (Slovak Film Institute, Slovakia), Personal and Trans-personal Perspectives in Czech and Slovak […]

Seguir lendo
© 2023 Estudos Audiovisuais