Actualidade
Novas e Axenda Bota un ollo á actividade do GEA

Margarita Ledo gaña o Mestre Mateo ao mellor documental con “Nación”

12/04/2021

O filme “Nación”, dirixido pola catedrática de Comunicación Audiovisual da USC Margarita Ledo Andión, segue acumulando premios logo de gañar o Mestre Mateo na categoría de Mellor documental. Este galardón engádese á lista de recoñecementos que “Nación” está a acadar en distintos festivais como o Premio á Mellor Dirección dun filme español acadado durante a súa estrea no Festival de Sevilla, ou o premio Cineuropa pola traxectoria fílmica desta directora. O recente premio Mestre Mateo únese, tamén, ao selo do ICAA que recoñece esta produción como “Especialmente recomendada para o fomento da igualdade de xénero”.

Precisamente, durante a gala de entrega, promovida pola Academia Galega do Audiovisual, Margarita Ledo fixo referencia ao posicionamento da asociación Xornalistas Galegas e do Comité Intercentros da CRTVG en relación ao acontecido días antes no programa “Land Rober Tunai Show” cando se animaba a unha muller a recuperar a súa relación co seu exmozo, ata que ela relata o acoso ao que se sentiu sometida. Na súa intervención, Margarita Ledo lembrou as recomendacións sobre contidos de violencia machista aprobados polo consello de administración da Corporación en 2015 e pechou a súa alocución coa proclama: “Machismo nunca máis na TVG”.

“Nación” chegaba no mes de marzo de 2021 ás salas de cine co aval da traxectoria de Margarita Ledo, considerada unha das figuras máis relevantes da cultura galega contemporánea, tal e como se recoñecía recentemente durante a chegada deste documental á gran pantalla na sala NUMAX, poñéndose de manifesto o ánimo incansable desta xornalista, escritora, académica, cineasta e impulsora insaciable de proxectos no activismo político e cultural.

O filme “Nación” narra a loita das traballadoras da fábrica de Pontesa, nunha procura inspiradora das mulleres galegas na segunda metade do século XX, a través da recuperación desta historia na que se intercalan imaxes de arquivo, testemuñas directas, elementos da cultura popular e reconstrucións ficcionadas dalgúns feitos coa fin de converter este documental nunha homenaxe a todas as mulleres que converteron a fábrica nun referente para a reivindicación dos seus dereitos.

“Nación” segue acumulando semanas de exhibición e  durante o mes de abril de 2021 pode verse nas catro provincias galegas, ademais de Barcelona e Madrid.

 

[Imaxe: David Portela / Academia Galega do Audiovisual]

MÁIS NOVAS
Encontro con Margarita Ledo e proxección de `Nación´ na Faculté des Lettres, Sorbonne Université
O vindeiro 13 de outubro o CRIMIC organiza a actividade.
03/10/2022

O vindeiro 13 de outubro o Centre de Recherches Interdisciplinaires sur les Mondes Ibériques Contemporains (CRIMIC) organiza un encontro coa coordinadora do Grupo de Estudios Audiovisuais, Margarita Ledo Andión, na súa faceta de directora. Esta actividade terá lugar no salón de actos da Faculté des Lettres,  pertencente á Sorbonne Université (París). Ademais, proxectarase o seu […]

Seguir lendo
Curso sobre podcasting profesional organizado polo Grupo de Estudos Audiovisuais
Entre o 11 de outubro e o 13 de decembro, profesionais dos contidos sonoros e profesorado da USC abordarán os diferentes procesos e oficios implicados na creación de podcasts no contexto profesional.
27/09/2022

Nos últimos lustros, o formato podcast vén protagonizando un auxe moi notorio, tanto en exemplos realizados nun modelo de autoprodución como en formatos abordados por grandes grupos de comunicación. Desde o Grupo de Estudos Audiovisuais organízase o curso de formación específica e a demanda “Podcasting profesional” para superar as nocións básicas e achegar ao alumnado […]

Seguir lendo
Presentación do libro `La revuelta en la mirada. Las imágenes del tiempo en el cine de vanguardia europeo de los años veinte´
O vindeiro 6 de outubro ás 20.30h na libraría NUMAX, a profesora e investigadora membro do GEA Mª Soliña Barreiro presentará o volume
27/09/2022

O vindeiro 6 de outubro ás 20.30h na libraría NUMAX, a profesora e investigadora da USC Mª Soliña Barreiro presentará o libro: `La revuelta en la mirada. Las imágenes del tiempo en el cine de vanguardia europeo de los años veinte´. Tamén, estará presente no coloquio a coordinadora do Grupo de Estudos Audiovisuais, Margarita Ledo […]

Seguir lendo
© 2022 Estudos Audiovisuais