III Premios María Luz Morales
A Academia Galega do Audiovisual destaca o incremento de traballos recibidos
A Academia Galega do Audiovisual celebrou o mércores 3 de abril no Centro Cultural Marcos Valcárcel, pertencente á Deputación da Ourense, a entrega de premios da terceira edición dos María Luz Morales. Estes galardóns promoven a investigación científica no ámbito audiovisual, destacando cunha dotación económica de 1.200 euros dous videoensaios e dous ensaios escritos, agrupados asemade nunha categoría galega e noutra internacional. Esta edición estivo marcada por un incremento de participación que representa a consolidación deste recoñecemento, acadando unha cifra récord de 36 traballos presentados.
As catro premiadas foron Sara Varela (1994) como mellor Videoensaio sobre o Audiovisual Galego con B Positivos, Eire García (1991) como Videoensaio sobre o Audiovisual Internacional con Propaganda de guerra, Pepe Coira como mellor Ensaio Escrito sobre o Audiovisual Galego con Argumentos de películas, e Xurxo González como mellor Ensaio Escrito sobre Audiovisual Internacional con O palco dum povo: Oliveira 2.0. O alto nivel das obras recibidas levou ao xurado a outorgar un accésit en cada categoría. Irene Basanta Pin, membro do Grupo de Estudos Audiovisuais, recibiu este recoñecemento no Videoensaio sobre o Audiovisual Galego polo seu traballo Nós, as desenfocadas, do que o xurado destacou a necesidade de seguir debatendo sobre a pregunta que expón, seguindo os métodos de parte da crítica feminista, sobre o papel da muller no cinema galego.
O resto dos accésit recaeron en Denisse Lozano por Series Diferentes (Videoensaio sobre Audiovisual Internacional), Sara Donoso por Unha aproximación a mimosas (Oliver Laxe) desde a pintura, a paisaxe e a mística (Ensaio Escrito sobre o Audiovisual Galego) e Antón Varela por Dialéctida da suplantación: imaxe, espectador e ultracorpos (Ensaio Escrito sobre Audiovisual Internacional).
O xurado estivo formado pola investigadora Isabel Sempere, a xornalista Montse Dopico e artista e docente Carme Nogueira, quen asistiu á gala en representación das tres para ler o seu fallo. Tamén estiveron presentes Manuel Baltar, presidente da Deputación de Ourense, Eduardo Vidal, deputado de cultura da Deputación de Lugo e Carlos Ares, presidente da Academia Galega do Audiovisual.
O vindeiro día 4 de febreiro, terza feira, ás 11h proxectárase no auditorio da Facultade de Ciencias de Comunicación da Universidade de Santiago o filme Morlaix. Posteriormente haberá un coloquio ao que asistirán o director da fita, Jaime Rosales, o Catedrático de Comunicación Audiovisual e Publicidade José Luis Castro de Paz e estudantes da facultade. […]
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo […]
A auto-biografía política, dar a ver a súa construción, a marca do dispositivo, o real como material que “debe ser ficcionado para ser pensado (Rancière) é un dos sinais e tamén os arquivos re-significados polas escrituras do “eu”, polo corpo, polos seus ecos, pola actuación… son entradas polas que accedemos ao interior do labirinto a […]